देवगाव : भुवनेश्वर येथील राष्ट्रीय आंतरराज्य वरिष्ठ अ‍ॅथलेटिक्स स्पर्धेत नाशिक जिल्ह्यातील निफाड तालुक्यातील ग्रामीण भागातील देवगावचा सुपुत्र सर्वेश अनिल कुशारे यांनी इतिहास रचला आहे. पुरुषांच्या उंच उडी स्पर्धेत त्यांनी 2.31 मीटर उडी मारत भारताचा नवा राष्ट्रीय विक्रम प्रस्थापित केला. यापूर्वी 2018 मध्ये तेजस्विन शंकर यांनी केलेला 2.29 मीटरचा राष्ट्रीय विक्रम सर्वेश यांनी मोडीत काढला. या ऐतिहासिक कामगिरीमुळे सर्वेश यांनी 2026 आशियाई क्रीडा स्पर्धेसाठीही पात्रता निश्चित केली असून, भारतीय अ‍ॅथलेटिक्समधील क्षेत्रीय स्पर्धांचा दर्जा उंचावणारी ही अभिमानास्पद कामगिरी ठरली आहे. ग्रामस्थांनी त्याच्या या यशाचे कौतुक केले असून त्याच्या कुटुंबांचा सत्कारदेखील केला आहे. सर्वेश यांच्या कुटुंबाने त्यांचे भरभरून कौतुक केले आहे.
