Earthquake Alert: आज दिल्ली-एनसीआरमध्ये सकाळी 5:36 वाजता भूकंपाचे जोरदार धक्के जाणवले. भूकंपाच्या धक्क्यामुळे घाबरलेले लोक घराबाहेर पडले. आज दिल्ली एनसीआरमधील नोएडा, गाझियाबाद, गुरुग्राम, फरीदाबाद, सोनीपत आणि मेरठसह अनेक भागात लोकांना भूकंपाचे धक्के जाणवले. प्राप्त माहितीनुसार, या भूकंपाचे केंद्र दिल्लीत होते आणि त्याची तीव्रता रिश्टर स्केलवर 4.0 इतकी होती. भूकंपप्रवण भागात सतर्क राहणे, अत्यंत आवश्यक आहे.
हेही वाचा – Google Pay मध्ये येणार AI फीचर; आता बोलूनही करता येणार UPI पेमेंट
आजकाल, अनेक आधुनिक स्मार्टफोन्समध्ये भूकंपाच्या हालचाली ओळखू शकणारे अॅक्सिलरोमीटर असतात. जर वापरकर्त्यांनी त्यांच्या फोनवर भूकंपाचा इशाऱ्यासंदर्भातील सूचना सक्रिय केल्या, तर त्यांना वेळेपूर्वी सूचना मिळू शकतात, ज्यामुळे त्यांना आवश्यक सुरक्षा उपाययोजना करण्यासाठी काही महत्त्वाचे सेकंद मिळतात.
हेही वाचा – RAM म्हणजे काय? स्मार्टफोन खरेदी करण्यापूर्वी याची चौकशी करणं का आहे महत्त्वाचं? जाणून घ्या
भूकंप अलर्ट फीचर कसे चालू करावे?
गुगलच्या ब्लॉग पोस्टनुसार, अँड्रॉइड भूकंप अलर्ट सिस्टम भारतासह अनेक देशांमध्ये उपलब्ध आहे. जर तुम्ही अँड्रॉइड वापरकर्ता असाल, तर तुम्ही खाली दिलेल्या पायऱ्या फॉलो करून ही अलर्ट सिस्टम चालू करू शकता:
तुमच्या स्मार्टफोनमध्ये अलर्ट सिस्टम सेट केल्यानंतर, तुम्हाला जवळपासच्या भागात होणाऱ्या भूकंपांबद्दल अपडेट्स मिळत राहतील. तथापि, हे लक्षात ठेवणे महत्त्वाचे आहे की, ही अलर्ट सिस्टीम फक्त 4.5 किंवा त्याहून अधिक तीव्रतेच्या भूकंपांसाठी सक्रिय केली जाते. कमी तीव्रतेच्या भूकंपांसाठी ही सिस्टीम कोणताही अलर्ट देत नाही.
