Donald Trump: ट्रम्पची नवी कुरापत! आता होर्मुझच्या सामुद्रधुनीचा ‘ट्रम्प स्ट्रेट’ असा उल्लेख करत नवा नकाशा केला प्रसिद्ध
Donald Trump on Hormuz Strait: अमेरिकेचे अध्यक्ष डोनाल्ड ट्रम्प यांनी ‘ट्रुथ सोशल’ या आपल्या समाजमाध्यमावर हॉर्मुझच्या सामुद्रधुनीचा एक नवा नकाशा शेअर केला असून, या महत्त्वपूर्ण सागरी मार्गाचा उल्लेख ‘ट्रम्प स्ट्रेट’ असा केला आहे. इराणने अमेरिकन नाकेबंदी उठवणे, तेल विक्रीवरील निर्बंध शिथिल करणे आणि लेबनानमध्ये युद्धबंदी लागू करणे या अटींवर आठवड्याभरात हा जलमार्ग खुला करण्याचा प्रस्ताव दिला होता. या प्रस्तावानंतर ट्रम्प यांची ही पहिलीच सार्वजनिक प्रतिक्रिया समोर आली असून, व्हाईट हाऊसने अमेरिकन मध्यस्थांशी या विषयावर सकारात्मक चर्चा सुरू असल्याचे सांगितले आहे.
इराणच्या अध्यक्षांचा न्यूयॉर्क दौरा आणि भूमिका
दरम्यान, संयुक्त राष्ट्रांच्या आमसभेतील जागतिक नेत्यांच्या बैठकीनंतर इराणचे अध्यक्ष पेझेश्कियान न्यूयॉर्कहून तेहरानकडे रवाना झाले असल्याचे इराणी प्रसारमाध्यमांनी सांगितले आहे. आमसभेतील आपल्या भाषणात त्यांनी ट्रम्प यांच्या इराण नष्ट करण्याच्या धमक्यांचा तीव्र निषेध केला, मात्र त्याच वेळी राजनैतिक आणि कुटनीतीचे मार्ग खुले असल्याचे स्पष्ट केले.
मध्य पूर्वेतील तणाव आणि वेस्ट बँक, सौदी अरेबियातील घडामोडी
मध्य पूर्वेतील सध्याच्या परिस्थितीशी संबंधित इतर महत्त्वाच्या घडामोडी पाहायला गेल्यास वेस्ट बँकेतील नैसर्गिक पाण्याचे झरे आणि वारसा स्थळांवर ताबा मिळवण्याचे इस्रायली नागरिकांचे प्रयत्न तीव्र झाले आहेत. पिण्याचे पाणी, पर्यटन आणि शेतीसाठी अत्यंत महत्त्वाचे असलेले हे पाण्याचे स्रोत तेथे राहणाऱ्या 28 लाख पॅलेस्टिनी लोकांसाठी दुर्मिळ होत चालले आहेत. जॉर्डन व्हॅलीत एका ऑपरेटरने पॅलेस्टिनी गावाकडे जाणारी पाण्याची पाईपलाईन कापून ती एका तलावाकडे वळवल्याची घटना घडली आहे. सौदी अरेबियाच्या दिशेने येमेनमधील हुती बंडखोरांनी खामिस मुशायत शहरावर डागलेले बॅलिस्टिक क्षेपणास्त्र सौदी लष्कराने हवेतच नष्ट केले.
गल्फ कोऑपरेशन कौन्सिलचा हुती हल्ल्यांचा निषेध
सौदी लष्करी प्रवक्ते मेजर जनरल तुर्की अल-मल्की यांनी क्षेपणास्त्र उधळल्याच्या माहितीची पुष्टी केली आहे. हौथी बंडखोरांकडून होणाऱ्या या वाढत्या हल्ल्यांचा गल्फ कोऑपरेशन कौन्सिलने तीव्र निषेध केला असून, याविरोधात आंतरराष्ट्रीय समुदायाने तातडीने कठोर पावले उचलावीत असे आवाहन केले आहे.
हेही वाचा – Bar Shooting News: बारमध्ये घुसून अंधाधुंद गोळीबार; 13 पुरुष अन् 4 महिलांचा जागीच मृत्यू
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.