मलेशियाचे माजी पंतप्रधान अब्दुल्ला अहमद बदावी यांचे निधन

Abdullah Ahmad Badawi Passes Away: मलेशियाचे माजी पंतप्रधान अब्दुल्ला अहमद बदावी यांचे हृदयविकाराने निधन झाले. क्वालालंपूर येथील 'इन्स्टिट्यूट जांटुंग नेगारा' या रुग्णालयाने आज म्हणजेच 14 एप्रिल रोजी ही माहिती दिली. बदावी याच रुग्णालयात उपचार घेत होते. ते 85 वर्षांचे होते. बदावी हे मलेशियाचे पाचवे पंतप्रधान होते. 2003 ते 2009 पर्यंत त्यांनी पदभार सांभाळला, परंतु राष्ट्रीय निवडणुकीत सत्ताधारी आघाडीच्या निराशाजनक निकालाची जबाबदारी स्वीकारण्यासाठी राजीनामा देण्यास त्यांच्यावर दबाव आणण्यात आला. 

बदावी डिमेंशियाने ग्रस्त होते - 

यापूर्वी, 2022 मध्ये, त्यांचे जावई खैरी जमालुद्दीन यांनी सांगितले होते की, 'बदावी डिमेंशियाने ग्रस्त आहेत. त्यांनी म्हटले होते की, अब्दुल्लाला बोलण्यास त्रास होतो. ते त्याच्या कुटुंबातील सदस्यांना ओळखू शकत नाहीत.'

हेही वाचा - Arrest Warrant Against Sheikh Hasina: शेख हसीना यांच्याविरोधात अटक वॉरंट जारी

अब्दुल्ला अहमद बदावी कोण आहे?

अब्दुल्ला अहमद बदावी हे मलेशियाचे पाचवे पंतप्रधान होते. मलेशियाचे लोकप्रिय नेते महाथीर मोहम्मद यांच्यानंतर त्यांनी पंतप्रधानपदाची सूत्रे हाती घेतली. बदावी यांनी त्यांच्या कार्यकाळात भ्रष्टाचाराविरुद्ध कडक भूमिका घेतली आणि सरकारी व्यवस्था पारदर्शक करण्याचा प्रयत्न केला. त्यांनी शिक्षण, इस्लामिक मूल्ये आणि आर्थिक विकासाला प्रोत्साहन देण्यावरही भर दिला. 

हेही वाचा - डोनाल्ड ट्रम्प यांचं एक पाऊल मागे, टॅरिफच्या यादीतून 'या' वस्तू वगळल्या

दरम्यान, 2008 च्या सार्वत्रिक निवडणुकीत त्यांच्या पक्षाला खराब कामगिरीचा सामना करावा लागला. त्यानंतर त्यांनी 2009 मध्ये पंतप्रधानपदाचा राजीनामा दिला. त्यानंतर नजीब रझाक यांनी त्यांची जागा घेतली. बदावी अलिकडच्या काळात राजकारणापासून दूर होते. त्यांनी त्यांचा बहुतेक वेळ सार्वजनिक जीवनापासून दूर घालवला आहे.