रशियातील भारतीय दूतावासाने रविवारी सांगितले की, युक्रेनने मॉस्को आणि आसपासच्या प्रदेशावर केलेल्या मोठ्या ड्रोन हल्ल्यात ठार झालेल्या तीन जणांमध्ये रशियात काम करणाऱ्या एका भारतीय नागरिकाचा समावेश आहे. “आज सकाळी मॉस्को परिसरात झालेल्या ड्रोन हल्ल्यात एक भारतीय कामगार ठार झाला आणि इतर तीन जण जखमी झाले,” असे दूतावासाने एका निवेदनात म्हटले आहे.
या निवेदनात पुढे म्हटले आहे की, दूतावासाच्या अधिकाऱ्यांनी हल्ल्याच्या घटनास्थळाला भेट दिली आणि रुग्णालयात जखमी कामगारांची भेट घेतली.
युक्रेनचे राष्ट्राध्यक्ष वोलोडिमिर झेलेन्स्की यांनी रशियावरील हल्ला पूर्णपणे न्याय्य असल्याचे म्हटले आहे. ते म्हणाले की, रशिया युक्रेनच्या शहरांवर आणि लोकांवर हल्ले करत असल्याने युक्रेनचा प्रत्युत्तर योग्य आहे.
Сегодня в Подмосковье в результате атаки беспилотника погиб один гражданин Индии и ещё трое получили ранения. Сотрудники посольства выехали на место происшествия и навестили пострадавших в больнице. Посольство выражает искренние соболезнования семье погибшего и делает всё… https://t.co/U6TaSVyj3E — India in Russia (@IndEmbMoscow) May 17, 2026
युक्रेनियन अधिकाऱ्यांच्या म्हणण्यानुसार, रात्री सुमारे ६०० युक्रेनियन ड्रोनच्या एका लाटेने रशियावर हल्ला केला, ज्यात मॉस्को प्रदेशात तीन आणि बेलगोरोड प्रदेशात एकाचा मृत्यू झाला. संघर्षादरम्यान राजधानीवर झालेला हा सर्वात मोठा हल्ला होता. युक्रेनची राजधानी कीवमध्ये रशियन क्षेपणास्त्र आणि ड्रोन हल्ल्यात किमान २४ लोक ठार झाल्यानंतर काही दिवसांनी ही घटना घडली आहे आणि युक्रेनने प्रत्युत्तर देण्याची शपथ घेतली आहे.
