Baba Vanga Predictions 2026: 2025 हे वर्ष संपून 2026 हे नवीन वर्ष आता काही तासांवर येऊन ठेपले आहे. नवीन वर्षाच्या उत्साहात असतानाच, जगप्रसिद्ध भविष्यवेत्ते बाबा वांगा आणि नोस्ट्राडेमस यांच्या 2026 साठीच्या काही भीतीदायक भाकित्यांनी जगाची चिंता वाढवली आहे. यामध्ये तिसऱ्या महायुद्धापासून ते मोठ्या जागतिक नेत्यांच्या पतनापर्यंत अनेक धक्कादायक दावे करण्यात आले आहेत.
बाबा वांगा यांची धडकी भरवणारी भाकिते
मोठा जागतिक संघर्ष: 2026 मध्ये एक मोठे युद्ध अमेरिका, रशिया आणि चीनसारख्या महासत्तांना आपल्या कचाट्यात घेईल.
पुतिन यांचे पतन: रशियाचे राष्ट्राध्यक्ष व्लादिमीर पुतिन यांचे पतन होईल आणि एका नवीन शक्तिशाली नेत्याचा उदय होईल.
नैसर्गिक आपत्ती: मोठे भूकंप, त्सुनामी आणि ज्वालामुखीच्या उद्रेकामुळे पृथ्वीच्या 8 ते 10 टक्के भूपृष्ठावर परिणाम होण्याची शक्यता आहे.
परग्रही जीवन: पृथ्वीचा परग्रही जीवांशी (Aliens) संपर्क येईल, जो '3I/ATLAS' नावाच्या धूमकेतूशी संबंधित असू शकतो.
हेही वाचा – Year Ender 2025 : जगाला संकटांचा शाप! वणवे, दुष्काळ, वादळांमुळे जगाला 120 अब्ज डॉलर्सचा फटका
नोस्ट्राडेमसची अस्वस्थ करणारी भविष्यवाणी
7 महिन्यांचे क्रूर युद्ध: जग 7 महिन्यांच्या अशा युद्धाचा अनुभव घेईल, ज्यात प्रचंड हिंसाचार आणि दुःख असेल.
नवी महामारी: मधमाश्यांचा मोठा थवा हा एका गूढ रोगाचे किंवा नवीन महामारीचे लक्षण ठरेल.
स्वित्झर्लंडमध्ये रक्ताच्या लाटा: कधीही युद्धात न पडणाऱ्या स्वित्झर्लंडसारख्या तटस्थ प्रदेशातही हिंसाचार पसरेल, असे रक्ताच्या लाटांच्या प्रतिमेतून सुचवण्यात आले आहे.
शक्तिशाली व्यक्तीवर संकट: एखाद्या प्रसिद्ध किंवा सामर्थ्यवान व्यक्तीवर वीज पडण्याची (संकट येण्याची) शक्यता त्यांनी वर्तवली आहे.
हेही वाचा – Year Ender 2025 : राज्यानं काय काय पाहिलं!; माणुसकीला काळिमा फासणाऱ्या 'या' घटनांनी मन सुन्न झालं
आर्थिक आणि राजकीय बदल (अथोस सॅलोम):
'जिवंत नोस्ट्राडेमस' मानले जाणारे ब्राझिलियन संदेष्टे अथोस सॅलोम यांनीही काही मोठे दावे केले आहेत:
नाटो विरुद्ध रशिया: नाटो (NATO) आणि रशिया यांच्यात थेट लष्करी संघर्ष होऊ शकतो.
डॉलरचा दबदबा कमी होणार: ब्रिक्स (BRICS) देश अमेरिकन डॉलरपासून दूर जाऊन जागतिक अर्थव्यवस्थेला नवीन दिशा देऊ शकतात.
Disclaimer : ही केवळ भाकिते असून ती विज्ञानावर आधारित नाहीत. यातील अनेक गोष्टी केवळ शक्यतांवर आणि संकेतांवर आधारित आहेत. याला कोणताही शास्त्रीय पुरावा नाही. जय महाराष्ट्र त्याची हमी देत नाही.
