Sudha Murthy Threatened: राज्यसभा खासदार आणि सामाजिक कार्यकर्त्या सुधा मूर्ती यांना फसवणूक आणि धमक्यांचा सामना करावा लागला. 5 सप्टेंबर रोजी झालेल्या घटनेत, एका व्यक्तीने स्वतःची ओळख दूरसंचार विभागाचा अधिकारी अशी करून देत मूर्ती यांना कॉल केला. तसेच त्यांच्याकडून त्यांची वैयक्तिक माहिती काढण्याचा प्रयत्न केला. ही घटना 20 सप्टेंबर रोजी बंगळुरू सायबर पोलिसांकडे तक्रारीच्या रूपात नोंदवली गेली.
तक्रारीनुसार, कॉल करणाऱ्या महिलेनं दावा केला की, मूर्तींचा मोबाइल नंबर जानेवारी 2020 मध्ये आधारशी लिंक न करता नोंदवण्यात आला होता. त्यानंतर तिने मूर्ती यांच्यावर मोबाइल नंबर वापरून अश्लील व्हिडिओ अॅक्सेस किंवा वितरित करण्याचा आरोप केला आणि दुपारी 12 वाजेपर्यंत मोबाईल सेवा बंद होईल अशी धमकी दिली.
हेही वाचा - Latur Crime News: उदगीर महाविद्यालयात मोठा घोटाळा! 70 बनावट प्रमाणपत्रांमुळे लाखोंची फसवणूक, संस्थाचालक फरार
दरम्यान, जेव्हा मूर्ती यांनी आदेश पाळण्यास नकार दिला, तेव्हा कॉल करणाऱ्या महिलेने त्यांना शिवीगाळ केली आणि धमक्याही दिल्या. या प्रकरणी बंगळुरूमधील सायबर क्राइम पोलीसांकडे एफआयआर नोंदवण्यात आली असून, मूर्ती यांनी कायदेशीर कारवाईची मागणी केली आहे.
हेही वाचा - Latur Crime: लातूर शहरात चोरीच्या घटनांमुळे दहशत, चोरट्यांच्या टोळीचे पोलिसांना आव्हान
कोण आहेत सुधा मूर्ती?
सुधा मूर्ती या भारतीय लेखिका, सामाजिक कार्यकर्त्या आहेत. त्या इन्फोसिस फाउंडेशनच्या अध्यक्षा असून शिक्षण, ग्रामीण विकास, आरोग्यसेवा आणि महिला सक्षमीकरण यांसारख्या क्षेत्रांमध्ये योगदानासाठी ओळखल्या जातात. 1950 मध्ये जन्मलेल्या मूर्ती यांनी इंग्रजी आणि कन्नड भाषेत अनेक पुस्तके लिहिली आहेत, ज्यात कादंबऱ्या, प्रवासवर्णने आणि बालसाहित्य समाविष्ट आहे. त्यांच्या कार्यामुळे त्यांना भारतात आणि आंतरराष्ट्रीय स्तरावर आदरणीय मानले जाते. 8 मार्च 2024 रोजी राष्ट्रपती द्रौपदी मुर्मू यांनी त्यांना राज्यसभेवर नामांकित केले.