मुंबई उच्च न्यायालयाचा कुणाल कामराला दिलासा! न्यायालयाने मुंबई पोलिसांना विचारला 'हा' प्रश्न

मुंबई: महाराष्ट्राचे उपमुख्यमंत्री एकनाथ शिंदे यांच्याविरुद्ध अपमानास्पद टिप्पणी केल्याबद्दल स्टँड-अप कॉमेडियन कुणाल कामरा यांच्याविरुद्ध दाखल केलेला एफआयआर रद्द करण्याची मागणी करणाऱ्या याचिकेवरील निकाल बुधवारी मुंबई उच्च न्यायालयाने राखून ठेवला. तसेच न्यायालयाने कामरा यांना अटक करण्याची आवश्यकता नसल्याचे म्हटले. दोन्ही पक्षांचे युक्तिवाद ऐकल्यानंतर न्यायमूर्ती एस कोतवाल आणि न्यायमूर्ती एस मोडक यांच्या खंडपीठाने आपला आदेश राखून ठेवला. या प्रकरणात आदेश येईपर्यंत कामराला अटक करू नका, असे न्यायालयाने मुंबई पोलिसांना सांगितले.

कुणाल कामराच्या वकिलाने काय म्हटले?

कुणाल कामराविरुद्ध खार पोलिस स्टेशनमध्ये दाखल केलेला एफआयआर रद्द करण्याची मागणी करणाऱ्या याचिकेवर बुधवारी मुंबई उच्च न्यायालयात सुनावणी झाली. यावेळी कुणाल कामरा यांचे वकील नवज्योत सिरवई यांनी युक्तिवाद केला की, निवडणुकीच्या वेळी माजी मुख्यमंत्री उद्धव ठाकरे यांनी एकनाथ शिंदे यांना देशद्रोही म्हटले होते. त्यावेळी त्यांच्याविरुद्ध कोणी गुन्हा दाखल केला नाही. उद्धव ठाकरे यांनी शिंदे यांना देशद्रोही ठरवत संपूर्ण प्रचार सुरू केला आणि त्यांना धडा शिकवण्यास सांगितले तेव्हाही कोणीही काहीही केले नाही. 

तथापी, अजित पवार देखील एकनाथ शिंदे यांना देशद्रोही म्हटले होते. त्यावेळी एकनाथ शिंदे गटाचे आमदार आणि तक्रारदार यांना पोलिस ठाण्यात जाऊन एफआयआर दाखल करण्याची गरज वाटली नाही. पवार प्रत्यक्षात फक्त एका व्यक्तीला नाही तर एकनाथ शिंदेंसोबत गेलेल्या सर्वांना देशद्रोही म्हणत होते. या मुद्द्यावर एक संपूर्ण मोहीम राबवण्यात आली. शिंदे आणि त्यांच्या सरकारला देशद्रोही म्हटले गेले. 

उद्धव ठाकरे बोलले तेव्हा का कारवाई केली नाही?  

कुणाल कामराच्या वकीलाने म्हटलं आहे की, जेव्हा उद्धव ठाकरे म्हणाले की गद्दारांना पुन्हा निवडून देऊ नये, तेव्हा कोणीही काहीही बोलले नाही. पण जर विनोदी कलाकार काही बोलला तर त्याला चिरडून टाका जेणेकरून लोकांना संदेश जाईल की त्यांनी आपल्याविरुद्ध बोलण्यापासून सावधगिरी बाळगावी. पोलिसांनी नोंदवलेला एफआयआर द्वेषाने भरलेला आहे.

हेही वाचा - ''वेड्यांच्या हॉस्पिटलमध्ये जाईल, पण तिथं नाही जाणार...!'' ''बिग बॉस 19'' ची ऑफर मिळाल्यानंतर कुणाल कामराची प्रतिक्रिया

दरम्यान, कुणाल कामराच्या 50 मिनिटांच्या शोचा संदर्भ देत वकिलाने सांगितले की, शोचा एक भाग म्हणून याचिकाकर्त्याने महाराष्ट्रातील राजकीय गोंधळावर त्यांचे वैयक्तिक विचार व्यक्त केले. या घटना राज्याच्या इतिहासात आणि न्यायालयांच्या कायदेशीर इतिहासात कोरल्या गेल्या आहेत. हा 50 मिनिटांच्या शोचा सुमारे 3 मिनिटांचा भाग आहे. दुसऱ्या कोणीतरी त्यांना देशद्रोही म्हटले म्हणून कोणतीही कारवाई झाली नाही, हा याचिकाकर्त्याचा युक्तिवाद पूर्णपणे चुकीचा आहे. जर त्यांच्यावर कारवाई झाली नाही तर कुणाल कामरा यांच्यावर कारवाई का? असा सवालही कामराच्या वकिलाने केला आहे.

हेही वाचा -   कुणाल कामराने ठोठावला मुंबई उच्च न्यायालयाचा दरवाजा; FIR रद्द करण्याची केली मागणी

सरकारी वकिलाने काय म्हटले?

सुनावणीदरम्यान, राज्य सरकारचे वकील हितेन वेणेगावकर यांनी न्यायालयात तक्रारदाराने एफआयआरसाठी दिलेले निवेदन वाचून दाखवले, ज्यामध्ये कुणाल कामरा यांनी शिंदे यांच्याबद्दल गायलेले गाणे देखील समाविष्ट होते. वकिलाने सांगितले की, हे दुर्भावनापूर्ण लक्ष्यीकरण आहे. हे एका व्यक्तीला लक्ष्य करून केले आहे. तक्रारीतील मजकुरावरून असे दिसून येते की हा एक दखलपात्र गुन्हा आहे आणि त्याची चौकशी आवश्यक आहे. जे आरोप करण्यात आले आहेत त्यांची चौकशी होणे आवश्यक आहे. मला सत्य जाणून घ्यायचे आहे. पुरावे गोळा करण्यासाठी एफआयआर आवश्यक आहे, म्हणून पोलिसांनी एफआयआर नोंदवला आहे.