35 रुपयांचे मानधन ते 80 कोटींच्या साम्राज्यापर्यंत… नाना पाटेकर मागे सोडून गेले ‘इतक्या’ कोटींची संपत्ती

भारतीय चित्रपटसृष्टीतील अष्टपैलू आणि ज्येष्ठ अभिनेते नाना पाटेकर यांच्या अकस्मात निधनाने चित्रपटसृष्टीसह संपूर्ण देशामध्ये शोककळा पसरली आहे. वयाच्या 75 व्या वर्षी त्यांनी जगाचा निरोप घेतला. आज पहाटे 5:20 च्या सुमारास त्यांच्या निवासस्थानी त्यांना तीव्र हृदयविकाराचा झटका आला. डॉक्टरांच्या पथकाने सुमारे 45 मिनिटे सीपीआर (CPR) देऊन त्यांना वाचवण्याचा शर्थीचा प्रयत्न केला, परंतु उपचारादरम्यान त्यांची प्राणज्योत मालवली. मनिपाल हॉस्पिटलच्या ऑन्कोलॉजी विभागाचे प्रमुख डॉ. शेखर साळकर यांनी दिलेल्या माहितीनुसार, या प्रकरणी ‘मेडिको-लीगल केस’ (MLC) नोंदवण्यात आली असून पुढील कार्यवाहीसाठी शवविच्छेदन केले जाणार आहे.

अत्यंत हलाखीच्या परिस्थितीवर मात करत घडवले साम्राज्य

नाना पाटेकर यांनी अत्यंत कठोर परिश्रम, निष्ठा आणि साधेपणाच्या जोरावर चित्रपटसृष्टीत स्वतःचे एक वेगळे व आदराचे स्थान निर्माण केले होते. वयाच्या अवघ्या 13 व्या वर्षी त्यांनी मुंबईतील चुनाभट्टी भागात चित्रपटांचे पोस्टर्स रंगवण्याचे काम सुरू केले होते. या कामासाठी ते रोज तब्बल 8 किलोमीटर चालत जात असत आणि त्या बदल्यात त्यांना महिन्याला केवळ 35 रुपये मानधन मिळत असे. या अत्यंत सामान्य आणि हलाखीच्या परिस्थितीतून पुढे जात त्यांनी चित्रपटसृष्टीत अभूतपूर्व यश संपादन केले. आज ते आपल्यामागे सुमारे 80 कोटी रुपयांची एकूण संपत्ती (Net Worth) सोडून गेले आहेत.

चित्रपट मानधन, रिअल इस्टेट आणि फार्महाऊसची मोठी मालमत्ता

अहवालानुसार, नाना पाटेकर एका चित्रपटासाठी साधारणपणे 2 ते 3 कोटी रुपये मानधन घेत असत. अभिनयासोबतच दिग्दर्शन, लेखन, निर्मिती आणि रिअल इस्टेटमधील गुंतवणुकीतूनही त्यांनी मोठे उत्पन्न मिळवले. मुंबईतील अंधेरी भागात त्यांच्या मालकीचा 750 चौरस फुटांचा एक फ्लॅट होता, जो त्यांनी वर्षांपूर्वी 1.1 लाख रुपयांना खरेदी केला होता; ज्याचे आजचे मूल्य सुमारे 3 कोटी रुपये आहे. याशिवाय पुण्याजवळ खडकवासला येथे त्यांचे 27 एकरचे भव्य फार्महाऊस आहे, जिथे ते भात आणि गव्हाची शेती करत असत. या फार्महाऊसमध्ये 7 खोल्या आहेत. तसेच पुण्याच्या लॉ कॉलेज रोडवर घर, गोव्यात एक घर आणि मुरुड येथे त्यांची वडिलोपार्जित मालमत्ता आहे.

हेही वाचा – “लोक काय म्हणतील?” नाना पाटेकरांच्या मनात…; मोठ्या मुलाच्या निधनाने आयुष्य बदललं

ब्रँड एंडोर्समेंट्स आणि सामाजिक बांधिलकीचे प्रतीक ‘नाम फाउंडेशन’

नाना पाटेकर यांनी अनेक प्रसिद्ध ब्रँड्सच्या मोहिमांचे नेतृत्व केले. 2005 मध्ये ‘महिको मोन्सँटो बायोटेक’, 2014 मध्ये ‘सेंच्युरीप्लाय’, 2021 मध्ये ‘टाटा प्ले’ आणि 2022 मध्ये ‘कुटे ग्रुप’च्या पशुखाद्याचे ते ब्रँड ॲम्बेसेडर होते. एका जाहिरातीसाठी ते 80 लाख ते 1 कोटी रुपयांपर्यंत मानधन घेत असत. महागड्या गाड्यांपेक्षा त्यांना महिंद्रा स्कॉर्पिओ आणि जीप पसंत होती. एकदा 1.5 कोटी रुपयांची लक्झरी कार न घेता ती रक्कम त्यांनी शेतकरी कुटुंबांना दान केली होती. सप्टेंबर 2015 मध्ये त्यांनी अभिनेता मकरंद अनासपुरे यांच्यासोबत ‘नाम फाउंडेशन’ची (Naam Foundation) स्थापना केली, ज्याद्वारे महाराष्ट्रातील दुष्काळग्रस्त शेतकरी आणि त्यांच्या कुटुंबांना आजही मोठी आर्थिक, शैक्षणिक आणि जलसंधारणाची मदत पुरवली जात आहे.

Jai Maharashtra Marathi News Live Update