Shirdi Defense Hub: जगप्रसिद्ध आध्यात्मिक केंद्र म्हणून ओळखली जाणारी शिर्डी आता भारताच्या लष्करी सामर्थ्याचा नवा केंद्रबिंदू ठरणार आहे. ‘आत्मनिर्भर भारत’ आणि ‘मेक इन इंडिया’ अभियानाला बळ देत, शिर्डीत खासगी क्षेत्रातील देशातील सर्वात मोठा संरक्षण साहित्य निर्मितीचा प्रकल्प उभारण्यात आला आहे. या प्रकल्पामुळे आता साईनगरीच्या मातीत भारतीय लष्करासाठी रॉकेट लाँचर आणि बॉम्बची निर्मिती होणार आहे.
वर्षाला 5 लाख बॉम्ब शेल्स; जागतिक बाजारपेठेत शिर्डीचा डंका
‘निबे ग्रुप’ने 200 एकर परिसरात हा महाप्रकल्प अवघ्या 1 वर्षात उभा केला आहे. या कारखान्याची वार्षिक क्षमता 5 लाख बॉम्ब शेल्स बनवण्याची असून, भारतीय लष्कराची गरज भागवून येथून परदेशातही निर्यात केली जाणार आहे. विशेष म्हणजे, अनेक देशांनी या उत्पादनांसाठी अॅडव्हान्स बुकिंगही केले आहे.
शिर्डीत उभारण्यात येणार ऐतिहासिक संरक्षण उत्पादन संकुल… ?मुंबई पंतप्रधान मा.श्री. नरेंद्रजी मोदी यांच्या ‘आत्मनिर्भर भारत’ आणि ‘मेक इन इंडिया’ या दूरदर्शी संकल्पनांना बळ देत, मुख्यमंत्री मा.श्री. देवेंद्रजी फडणवीस यांच्या नेतृत्वाखाली शिर्डी औद्योगिक वसाहतीत उभारण्यात… pic.twitter.com/CqPztEl2nl — Radhakrishna Vikhe Patil (@RVikhePatil) May 14, 2026
23 मे रोजी संरक्षणमंत्र्यांच्या हस्ते ऐतिहासिक सोहळा
या भव्य प्रकल्पाचे लोकार्पण 23 मे रोजी देशाचे संरक्षणमंत्री राजनाथ सिंह यांच्या हस्ते होणार आहे. या सोहळ्याला ‘चीफ ऑफ डिफेन्स स्टाफ’ (CDS) जनरल अनिल चौहान, मुख्यमंत्री देवेंद्र फडणवीस आणि पालकमंत्री राधाकृष्ण विखे पाटील यांची प्रमुख उपस्थिती लाभणार आहे.
हेही वाचा – Maharashtra politics: ‘भारतीय युवक मंद…’; संजय राऊतांच्या पोस्टने राजकारण तापलं, भाजपाचा जोरदार पलटवार
प्रकल्पाची वैशिष्ट्ये आणि ‘गेमचेंजर’ प्लॅन:
विक्रमी निर्मिती: केवळ 1 वर्षात प्रकल्पाचे काम पूर्ण.
रोजगार क्रांती: 23 आणि 24 मे रोजी होणाऱ्या ‘MSME एक्स्पो’मध्ये 300 पेक्षा जास्त कंपन्या सहभागी होणार असून, याद्वारे हजारो तरुणांना रोजगाराची संधी मिळणार आहे.
लष्करी ताकद: क्षेपणास्त्र सामग्री आणि जड शस्त्रसाहित्य निर्मितीवर भर.
गोपनीयता: आंतरराष्ट्रीय करारांमुळे निर्यात होणाऱ्या देशांची नावे सध्या गुप्त ठेवण्यात आली आहेत.
पुणे आणि अहिल्यानगरच्या औद्योगिक पट्ट्यासाठी हा प्रकल्प ‘गेमचेंजर’ ठरणार असून, शिर्डी आता केवळ तीर्थक्षेत्र न राहता देशाच्या सुरक्षेचा अभेद्य गड म्हणून ओळखली जाईल.
