बंगळुरू: कर्नाटकातील मंड्या येथे उपमुख्यमंत्री डीके शिवकुमार यांच्या ताफ्यातील एका वाहनाचा अपघात झाला. मिळालेल्या माहितीनुसार, डीके शिवकुमार यांचे एस्कॉर्ट वाहन उलटले. या अपघातात चालकासह पाच एस्कॉर्ट कर्मचारी जखमी झाले. या घटनेत उपमुख्यमंत्री पूर्णपणे सुरक्षित आहेत. त्यांना या अपघातात कोणतीही दुखापत झाली नाही.
हेही वाचा – 'बेजबाबदार वृत्तांकनासाठी WSJ आणि Reuters ने माफी मागावी…'; पायलट फेडरेशनची मागणी
दुभाजकाला धडकल्यानंतर कार उलटली –
टीएम होसूरच्या गौडहल्लीजवळ एक्सप्रेसवेवर हा अपघात झाल्याचे सांगण्यात येत आहे. एस्कॉर्ट वाहन दुभाजकाला धडकले आणि बाजूच्या रस्त्यावर पडले. धडकेमुळे कार उलटली. या अपघातात नागराजू, महेश आणि कार्तिक यांच्यासह पाच एस्कॉर्ट कर्मचारी जखमी झाले. जखमींवर म्हैसूर रुग्णालयात उपचार सुरू आहेत. अपघातात जखमी झालेल्या लोकांवर योग्य उपचारांची व्यवस्था करण्याचे निर्देश डीके शिवकुमार यांनी दिले आहेत. एसपी मल्लिकार्जुन बालदंडी यांनी रुग्णालयाला भेट दिली.
हेही वाचा – भारताच्या सागरी सुरक्षेचा नवा अध्याय; ‘निस्तार’ सागरी सेवेत दाखल
वृत्तानुसार, ही घटना श्रीरंगपट्टण तालुक्यात घडली जेव्हा शिवकुमार म्हैसूरमधील साधना सामवेश कार्यक्रमात सहभागी झाल्यानंतर बेंगळुरूला परतत होते. प्राथमिक वृत्तानुसार, एस्कॉर्ट वाहनाच्या चालकाचे नियंत्रण सुटले, ज्यामुळे उपमुख्यमंत्र्यांच्या गाडीच्या मागे महामार्गावर कार उलटली. महेश, दिनेश, जयलिंगू आणि कार्तिक अशी जखमींची ओळख पटली आहे. श्रीरंगपट्टण ग्रामीण पोलिस ठाण्याच्या पोलिसांनी गुन्हा दाखल केला असून अपघाताचे कारण शोधण्यास सुरुवात केली आहे.
