IndiGo Flight Cancel : इंडिगो एअरलाइनला गेल्या काही दिवसांपासून ऑपरेशनल समस्यांमुळे (IndiGo Airlines Operational Issues) मोठा गोंधळ आणि मोठ्या प्रमाणात उड्डाणे रद्द (Flight Cancellations) करण्याची वेळ आली आहे. या पार्श्वभूमीवर नागरिक उड्डयन महानिदेशालयाने (DGCA) एअरलाइन्सना दिलासा देणारा एक महत्त्वाचा निर्णय घेतला आहे. पायलटच्या (Pilot) 'साप्ताहिक विश्रांती' (Weekly Rest) ऐवजी दुसरी सुट्टी देण्यावर असलेली बंदी DGCA ने परत घेतली आहे. हा नियम तत्काळ प्रभावाने लागू झाला आहे.
नियम परत घेण्यामागील कारण
DGCA ने एक निवेदन (DGCA Statement) जारी करून म्हटले आहे की, 'सध्या सुरू असलेल्या ऑपरेशनल अडचणी (Operational Difficulties) आणि एअरलाइन्सकडून मिळालेल्या सूचनांचा विचार करून, जेणेकरून कामकाज अखंडित आणि स्थिर पद्धतीने सुरू राहावे, यासाठी साप्ताहिक ऑफ (Weekly Off) च्या जागी कोणतीही इतर सुट्टी दिली जाऊ शकत नाही, असा जो पूर्वीचा निर्देश दिला होता, तो तत्काळ परत घेण्यात येत आहे.' या निर्णयामुळे एअरलाइन्सना क्रूची कमतरता आणि वेळापत्रकाशी संबंधित अडथळे दूर करण्यासाठी अधिक लवचिकता मिळणार आहे.
इंडिगोच्या इतिहासातील सर्वात मोठा गोंधळ
DGCA ने हा निर्णय अशा वेळी घेतला आहे, जेव्हा इंडिगो आपल्या इतिहासातील सर्वात मोठ्या ऑपरेशनल समस्यांचा सामना करत आहे. दिल्ली विमानतळाने (Delhi Airport) घोषणा केली आहे की, इंडिगोची सर्व देशांतर्गत उड्डाणे मध्यरात्रीपर्यंत रद्द (Domestic Flights Cancelled) करण्यात आली आहेत. हा गोंधळ गेल्या चार दिवसांपासून सुरू आहे, ज्यादरम्यान एकट्या आजच 700 हून अधिक उड्डाणे रद्द झाली आहेत. ही संख्या इंडिगोच्या 20 वर्षांच्या इतिहासात एका दिवसात रद्द झालेल्या उड्डाणांची सर्वात मोठी संख्या आहे.
हेही वाचा - Indigo Airlines: पुण्याला जाण्यासाठी नागपूरवरुन विमानाने उड्डाण केलं पण... इंडिगोच्या ढिसाळ कारभारचा प्रवाशाला फटका
FDTL नियमांचे टप्प्याटप्प्याने अंमलबजावणी
DGCA चे फ्लाइट ड्यूटी टाइम लिमिटेशन (FDTL) नियम टप्प्याटप्प्याने लागू करण्यात आले होते. हे नियम 1 नोव्हेंबर 2025 पासून पूर्णपणे लागू झाले आहेत. या नियमांमधील मुख्य बदल जानेवारी 2024 मध्ये जारी करण्यात आले होते आणि एअरलाइन्सना तयारीसाठी वेळ देण्यासाठी ते हळूहळू लागू करण्यात आले. 20 जून 2025 चा नियम देखील याच टप्प्याबद्ध प्रक्रियेचा भाग होता, ज्याचा उद्देश पायलट आणि केबिन क्रू (Pitot and Cabin Crew Fatigue) साठी थकवा कमी करण्याच्या नियमांना अधिक कठोर करणे हा होता.
क्रू रोस्टर स्थिर करण्याची संधी
DGCA च्या या तात्काळ निर्णयामुळे एअरलाइन्सना क्रू रोस्टर (Crew Roster) स्थिर करण्यासाठी आणि वारंवार होणाऱ्या उड्डाण रद्दीकरणावर (Flight Cancellations) नियंत्रण मिळवण्यासाठी जास्त संधी मिळेल. अनेक दिवसांपासून मोठ्या प्रमाणावर फ्लाइट रद्द झाल्याने प्रवाशांना (Passengers) मोठा त्रास सहन करावा लागला होता. त्यामुळे DGCA चा हा निर्णय विमान वाहतूक क्षेत्रातील स्थिरता लवकर परत आणण्यास मदत करेल, अशी अपेक्षा आहे.
हेही वाचा - IndiGo Flights Cancellation : इंडिगोचा गोंधळ तिसऱ्या दिवशीही कायम; 200 हून अधिक उड्डाणे रद्द