कोचीन शिपयार्डद्वारे तयार केलेले नवीन युद्धजहाज आयएनएस माहे (INS Mahe) भारतीय नौदलाला गुरुवारी औपचारिकरित्या हस्तांतरीत करण्यात आले. हे जहाज आठ एंटी-सबमरीन वॉरफेअर शॅलो वॉटर क्राफ्ट्स (Anti-Submarine Warfare Shallow Water Crafts, ASW SWC) मालिकेतील पहिले असून, स्थानिक तंत्रज्ञानावर आधारित भारतातच पूर्णपणे डिझाइन व बांधकाम करण्यात आलेला आहे.
78 मीटर लांबीचा हे जहाज डिझेल इंजिन आणि वॉटरजेट कॉम्बिनेशनवर चालते. आयएनएस माहे (INS Mahe) हे आतापर्यंतचे भारतीय नौदलातील सर्वात मोठे आणि अत्याधुनिक उथळ पाण्यातील युद्धनौकेचे उदाहरण मानले जात आहे.
या युद्धपोताची रचना विशेषतः पानबुडी-विरोधी मोहिमा (Anti-Submarine Operations), समुद्री सर्व्हिलन्स, शोध आणि बचाव कार्यांसाठी करण्यात आली आहे. तसेच हे जहाज कमी तीव्रतेच्या समुद्री मोहिमा आणि तटीय सुरक्षा अभियानातही प्रभावी ठरते. यामध्ये प्रगत मायन-लेइंग प्रणाली (Advanced Mine Laying System) असून, ते समुद्राच्या तळाशी बारूदी सुरंग तैनात करण्यास सक्षम आहे. त्यामुळे भारत आता उथळ पाण्यातून येणाऱ्या शत्रूंच्या धमक्यांना अधिक प्रभावीपणे तोंड देऊ शकतो.
हेही वाचा: SEBI Mutual Fund Reforms: सेबीचा मोठा निर्णय ; गुंतवणूकदारांसाठी म्युच्युअल फंड नियमांमध्ये मोठे बदल
या युद्ध जहाजात हल-माउंटेड सोनार, लो-फ्रिक्वेन्सी व्हेरेबल डेप्थ सोनार, टॉरपीडो, अँटी-सबमरीन रॉकेट, NSG-30 गन आणि 12.7 मिमी स्टेबलाइझ्ड रिमोट-कंट्रोल गन बसवण्यात आले आहेत. या अत्याधुनिक शस्त्रास्त्रांमुळे जहाजाची समुद्री शोध, हल्ला आणि संरक्षण क्षमता अनेकपटींनी वाढली आहे.
हस्तांतरण समारंभात वेस्टर्न नेव्हल कमांडचे चीफ स्टाफ ऑफिसर रियर अॅडमिरल आर. अधिश्रीनिवासन, वॉरशिप प्रॉडक्शन सुप्रिटेंडेंट कोमोदोअर अनूप मेनन, कोचीन शिपयार्डचे संचालक एस. हरिकृष्णन आणि नेव्हीचे कमांडिंग ऑफिसर कमांडर अमित चंद्र चौबे उपस्थित होते.
नुकतेच कोचीन शिपयार्डमध्ये या मालिकेतील सहावं जहाज आय एन एस मगदला (INS Magdala) चे जलावतरण झाले होते. संरक्षण मंत्रालयाने याची माहिती देत सांगितले की, ही सर्व जहाजे भारतीय तंत्रज्ञान आणि आत्मनिर्भर भारत उपक्रमाखाली विकसित करण्यात आली आहेत.
आयएनएस माहे (INS Mahe) च्या नौदलात समावेशामुळे भारताच्या तटीय सुरक्षेची ताकद आणखी वाढली आहे. आता भारतीय नौदलाला समुद्राच्या उथळ पाण्यातही शत्रूच्या विरुद्ध अत्याधुनिक शस्त्रास्त्रांसह प्रत्युत्तर देणे शक्य होणार आहे आणि त्यामुळे हिंद महासागरात भारताची उपस्थिती आणखी मजबूत झाली आहे.
हेही वाचा: Himalaya: हिमालयातील हिमनद्या वितळल्यामुळे जलाशयांचा विस्तार; पर्यावरणावर गंभीर परिणाम