घरबसल्या मिळवा दरमहा 25,000 रुपये? केंद्र सरकारच्या ‘महिला वर्क फ्रॉम होम’ योजनेचा दावा खरा की खोटा; जाणून घ्या सत्य

घरगुती जबाबदाऱ्या सांभाळत असतानाच कुटुंबाला आर्थिक हातभार लावण्याची इच्छा अनेक महिलांची असते. वाढत्या महागाईच्या काळात स्वतःच्या पायावर उभे राहून घरखर्च भागवण्यासाठी अनेक महिला रोजगाराच्या संधी शोधत असतात. याच गोष्टीचा गैरफायदा घेत सोशल मीडियावर सध्या एक व्हिडिओ मोठ्या प्रमाणावर फॉरवर्ड केला जात आहे. या व्हिडिओमध्ये असा दावा केला जात आहे की, केंद्र सरकारने महिलांसाठी एक नवीन ‘वर्क फ्रॉम होम’ योजना सुरू केली असून, त्याद्वारे घरबसल्या काम करून महिलांना दरमहा 25,000 रुपये मानधन मिळणार आहे. यूट्यूबवरील ‘Buddhsen92TechOfficial’ या चॅनेलवर प्रसारित झालेला हा व्हिडिओ सध्या महिला वर्गात वेगाने पसरत असून मोठा भ्रम निर्माण करत आहे.

हेही वाचा – ‘भारताची लोकसंख्या जगाच्या 17 टक्के, पण कार्बन उत्सर्जन अवघे 3 टक्के’; हवामान बदलावरून पियुष गोयल यांनी पाश्चात्य देशांना सुनावले

फॅक्ट चेकमध्ये समोर आले सत्य

या दाव्याची सत्यता तपासण्यासाठी इंडिया टीव्हीच्या फॅक्ट चेक टीमने संपूर्ण पडताळणी केली. या तपासणीत हा दावा पूर्णपणे बनावट असल्याचे उघड झाले आहे. केंद्र सरकारने महिलांसाठी अशी कोणतीही ‘वर्क फ्रॉम होम’ योजना सुरू केलेली नाही आणि यासंदर्भात कोणतीही अधिकृत घोषणा किंवा अधिसूचना जारी करण्यात आलेली नाही. संबंधित यूट्यूब चॅनेलने केवळ व्ह्यूज आणि लाईक्स मिळवण्याच्या उद्देशाने ही खोटी अफवा पसरवल्याचे तपासात स्पष्ट झाले आहे. त्यामुळे सोशल मीडियावर फिरणाऱ्या अशा दाव्यांमध्ये कसलेही तथ्य नसून महिलांनी यावर विश्वास ठेवू नये.

दावा-: केंद्र सरकार द्वारा ‘महिला वर्क फ्रॉम होम योजना’ के तहत महिलाओं को घर से काम करने का अवसर और प्रतिमाह ₹25,000 वेतन दिया जाएगा। #PIBFactCheck ❌ यूट्यूब चैनल ‘Buddhsen92TechOfficial’ का यह वीडियो और दावा #फर्जी है। ▶️ कृपया ऐसे लुभावने दावों के झांसे में न आएं। आधिकारिक स्त्रोतों से प्राप्त सूचनाओं पर ही विश्वास कीजिए। 🔸 केंद्र सरकार से संबंधित किसी भी प्रकार की संदिग्ध खबर, वीडियो या तस्वीर @PIBFactCheck को भेजिए, वास्तविकता हम आपको बताएंगे – 📱 व्हाट्सएप: +91 8799711259
📧 ईमेल: factcheck@pib.gov.in — PIB Fact Check (@PIBFactCheck) February 20, 2026

नागरिकांनी सतर्क राहावे

सरकारी यंत्रणा आणि पीआयबी फॅक्ट चेकने सर्व नागरिकांना अशा दिशाभूल करणाऱ्या आणि मोहक दाव्यांना बळी न पडण्याचे आवाहन केले आहे. सोशल मीडियावर कोणतीही शासकीय योजना दिसल्यास तिची खात्री केवळ अधिकृत सरकारी वेबसाईटवरूनच करावी. कोणत्याही अज्ञाताने पाठवलेल्या लिंकवर क्लिक करणे, फॉर्म भरणे किंवा आपली वैयक्तिक व आर्थिक माहिती शेअर करणे टाळावे. सायबर फसवणुकीपासून बचाव करण्यासाठी अशा अफवांपासून दूर राहणे आणि सतर्कता बाळगणे अत्यंत आवश्यक आहे.