1 जुलै हा दिवस भारतात ‘राष्ट्रीय डॉक्टर दिन’ (National Doctor's Day) म्हणून साजरा केला जातो. हा दिवस आपल्या देशातील डॉक्टरांच्या अथक सेवेचा सन्मान करण्यासाठी आणि त्यांच्या योगदानाची आठवण करून देण्यासाठी साजरा केला जातो. 2025 सालचा डॉक्टर्स डे आज, 1 जुलै रोजी देशभरात मोठ्या उत्साहात साजरा होत आहे.
डॉक्टर दिन का साजरा केला जातो?
राष्ट्रीय डॉक्टर दिन साजरा करण्यामागे एक महत्त्वाचा इतिहास आहे. या दिवशी म्हणजेच 1 जुलै 1882 रोजी सुप्रसिद्ध चिकित्सक आणि पश्चिम बंगालचे दुसरे मुख्यमंत्री डॉ. बिधान चंद्र रॉय यांचा जन्म झाला होता. विशेष म्हणजे त्यांचा मृत्यूही याच दिवशी 1 जुलै 1962 रोजी झाला. त्यांच्या कार्याचे स्मरण म्हणून भारत सरकारने 1991 पासून हा दिवस 'राष्ट्रीय डॉक्टर दिन' म्हणून साजरा करण्यास सुरुवात केली.
डॉक्टरांचे महत्त्व
डॉक्टर हे समाजातील एक अत्यंत महत्त्वाचे अंग आहेत. आजारी व्यक्तींच्या केवळ शारीरिक नव्हे तर मानसिक आरोग्यासाठीही डॉक्टर खांद्याला खांदा लावून काम करत असतात. कोरोना महामारीसारख्या काळात डॉक्टरांनी दाखवलेली समर्पणभावना आणि धाडस हे सर्वांच्या लक्षात राहिल.
या दिवशी आपण आपल्या ओळखीतल्या डॉक्टरांना शुभेच्छा देऊन त्यांच्या कार्याबद्दल कृतज्ञता व्यक्त करू शकतो. खाली काही खास मराठी संदेश आणि विचार दिले आहेत:
हेही वाचा: Vastu Tips For Government Job: सरकारी नोकरी मिळवायची आहे? हे 5 वास्तु उपाय नक्की करा, यश तुमच्या दारी येईल
डॉक्टर्स डे शुभेच्छा संदेश (Wishes & Messages):
1. 'रुग्णांना नवे जीवन देणाऱ्या प्रत्येक डॉक्टरला सलाम! राष्ट्रीय डॉक्टर दिनाच्या हार्दिक शुभेच्छा'
2. 'तुमच्या सेवाभावी वृत्तीमुळे अनेक आयुष्यांना दिशा मिळाली. डॉक्टर दिनानिमित्त तुमचं आभार'
3. 'हृदयाची भाषा समजणाऱ्या आणि जीवन वाचवणाऱ्या देवदूतांना डॉक्टर डे च्या शुभेच्छा'
4. 'तुमची निस्वार्थ सेवा आणि समर्पण लाखो रुग्णांच्या आशेचा किरण आहे.'
5. 'डॉक्टर फक्त औषध देत नाहीत, ते आशा आणि विश्वासही देतात. धन्यवाद आणि शुभेच्छा'
हेही वाचा: Today's Horoscope: यश, प्रेम की संघर्ष? काय सांगतेय तुमची रास?
प्रेरणादायी विचार (Quotes for Doctor's Day):
1. 'A doctor is not just a profession, it's a promise to protect lives.'
-अज्ञात
2. 'जिथे संपते शास्त्र, तिथे सुरू होते डॉक्टरचं समजून घेणं.'
-डॉ. बिधान चंद्र रॉय
3. 'A good doctor treats the disease. A great doctor treats the patient who has the disease.'
-William Osler
4. 'सेवा हीच खरी पूजा- आणि डॉक्टर हे तिचे श्रेष्ठ पुरस्कर्ते
-अज्ञात
डॉक्टर हे केवळ आरोग्यसेवक नाहीत, तर ते लाखो कुटुंबांच्या विश्वासाचे आधारस्तंभ आहेत. त्यांच्या अथक मेहनतीला वंदन करण्यासाठी, 1 जुलैला ‘राष्ट्रीय डॉक्टर दिन’ साजरा करणे ही एक आदरांजली आहे.