Sonam Wangchuk Discharge : NEET परीक्षेतील गैरव्यवहाराविरोधात दीर्घकाळ लढा देणारे प्रसिद्ध समाजसेवक सोनम वांगचुक यांची प्रकृती आता सुधारली असून त्यांना सोमवारी मेदान्ता रुग्णालयातून डिस्चार्ज दण्यात आला आहे. सलग 26 दिवस अन्नत्याग केल्यानंतर, केंद्र सरकारने मागण्या मान्य केल्यावर 24 जुलै रोजी केंद्रीय मंत्री जे.पी. नड्डा यांच्या उपस्थितीत त्यांनी उपोषण मागे घेतले होते.
रुग्णालयातून बाहेर पडताच वांगचुक यांनी थेट दिल्लीतील राजघाट येथे जाऊन महात्मा गांधींच्या समाधीचे दर्शन घेतले. विशेष म्हणजे, 28 जून रोजी जंतर-मंतरवर आपले आंदोलन सुरू करण्यापूर्वीही त्यांनी बापूंच्या समाधीस्थळी जाऊन आशीर्वाद घेतले होते. राजघाटावरील अभिवादाचा कार्यक्रम आटोपल्यानंतर ते लडाखसाठी रवाना होणार असल्याचे समजते.
वैद्यकीय तपासणीत प्रकृती स्थिर; डॉक्टरांचा विश्रांतीचा सल्ला
गुरुग्राम येथील मेदान्ता रुग्णालयाने दिलेल्या माहितीनुसार, 21 जुलै रोजी दाखल करण्यात आलेल्या वांगचुक यांच्यावर विविध तज्ज्ञ डॉक्टरांच्या देखरेखीखाली उपचार करण्यात आले. उपोषणामुळे ढासळलेली त्यांची प्रकृती आता पूर्णपणे पूर्वपदावर आली असून त्यांचे सर्व वैद्यकीय निकष (व्हायटल्स) सामान्य आढळले आहेत. पूर्णपणे शुद्धीत आणि चांगल्या स्थितीत असलेल्या वांगचुक यांना नियमित तपासणीसाठी (OPD) उपस्थित राहण्याच्या सूचनेसह घरी सोडण्यात आले आहे.
#WATCH | In a video message from Medanta Hospital in Gurugram (Haryana), activist Sonam Wangchuk says, "The day has finally come when I am being discharged from this hospital. I feel a lot better. I am gradually having food and regaining strength in my body. After leaving here… pic.twitter.com/i1etIssnJZ — ANI (@ANI) July 27, 2026
26 दिवसांचा प्रदीर्घ लढा आणि आंदोलनाची सांगता
विद्यार्थ्यांच्या हक्कासाठी वांगचुक यांनी 28 जूनपासून दिल्लीत उपोषण सुरू केले होते. आंदोलनादरम्यान 18 जुलै रोजी त्यांना प्रथम सफदरजंग आणि नंतर उच्च न्यायालयाच्या निर्देशानुसार मेदान्ता रुग्णालयात हलवण्यात आले होते. देशात कोणताही हिंसाचार पसरू नये आणि प्रशासनाशी झालेल्या सकारात्मक चर्चेनंतर त्यांनी आपले आंदोलन थांबवण्याचा निर्णय घेतला.
हेही वाचा – Arvind Kejarival: E20 इंधनावरून केंद्र सरकारला ‘आप’चा इशारा; केजरीवाल म्हणाले, ‘आता पुन्हा एकत्र या’
दुसरीकडे, या मुद्द्यावरून ‘कॉकरोच जनता पार्टी’च्या (CJP) नेतृत्वाखाली जंतर-मंतरवर सुरू असलेले 36 दिवसांचे आंदोलनही अखेर संपले. शिक्षण मंत्री धर्मेंद्र प्रधान यांच्या राजीनाम्यानंतर वांगचुक यांनी याला शांतता, संयम आणि थेट लोकशाहीचा मोठा विजय असे संबोधत देशातील युवा पिढीचे अभिनंदन केले.
