आयकर रिटर्न (ITR) भरण्याची अंतिम मुदत संपण्यास आता फक्त दोन दिवस उरले आहेत. आयकर विभागाने शनिवारी सांगितले की, आतापर्यंत त्यांना 2025-26 या कर निर्धारण वर्षासाठी सहा कोटींहून अधिक लोकांचे रिटर्न मिळाले आहेत. व्यावसायिक संस्था सरकारला शेवटची तारीख वाढवण्याचा आग्रह करत असताना, हे लक्षात घेता, आयकर विभागाने 2025-26 या कर निर्धारण वर्षासाठी आयटीआर दाखल न केलेल्या सर्वांना शेवटच्या क्षणी होणारी गर्दी टाळण्यासाठी शक्य तितक्या लवकर त्यांचे रिटर्न दाखल करण्याचा सल्ला दिला आहे.
आयकर विभागाकडून एक पोस्ट शेअर केली आहे, "आतापर्यंत दाखल केलेल्या 6 कोटी आयकर रिटर्न (ITR) चे लक्ष्य गाठण्यास मदत करणाऱ्या करदात्यांना आणि कर व्यावसायिकांचे आभार आणि ही संख्या अजूनही वाढत आहे," असे X वरील एका पोस्टमध्ये म्हटले आहे. तसेच, विभागाने असेही सांगितले की त्यांचे हेल्पडेस्क रिटर्न भरण्यासाठी आणि संबंधित सेवांसाठी अहोरात्र कार्यरत आहे.
हेही वाचा – 'या' देशात 1 लाखांपेक्षा अधिक निदर्शक रस्त्यावर, पोलिसांवर हल्ला, नेमकं काय घडलं?
या वर्षी, अपडेटेड आयटीआर फॉर्म जारी करण्यास विलंब झाल्यामुळे नॉन-ऑडिट रिटर्न भरण्याची अंतिम तारीख 31 जुलै वरून 15 सप्टेंबर करण्यात आली.
आतापर्यंत दाखल केलेल्या रिटर्नची संख्या गेल्या वर्षीपेक्षा कमी आहे. 31 जुलै 2024 पर्यंत 7.6 कोटी आयटीआर दाखल झाले होते. यावर्षी 13 सप्टेंबरपर्यंत ही संख्या सुमारे सहा कोटी होती.
