PAN Aadhaar Link Deadline : जर तुम्ही अजूनही तुमचा पॅन कार्ड (PAN Card) आधार कार्डशी (Aadhaar Card) लिंक केले नसेल, तर ही बातमी तुमच्यासाठी अत्यंत महत्त्वाची आहे. केंद्रीय प्रत्यक्ष कर बोर्ड (CBDT) ने स्पष्ट केले आहे की, पॅन कार्डला आधार कार्डशी लिंक करणे आता अनिवार्य (Mandatory) आहे. यासाठी अंतिम मुदत 31 डिसेंबर 2025 ही आहे. जर या तारखेपर्यंत तुम्ही तुमचे पॅन कार्ड आधारशी लिंक केले नाही, तर 1 जानेवारी 2026 पासून तुमचे पॅन कार्ड डिएक्टिव्हेट (Deactivate) किंवा बंद होईल. यामुळे तुम्हाला भविष्यात अनेक अडचणींचा सामना करावा लागू शकतो.
या व्यक्तींना पॅन-आधार लिंक करणे आवश्यक आहे
अर्थ मंत्रालयाने 3 एप्रिल 2025 रोजी जारी केलेल्या नोटिफिकेशनमध्ये (Notification) स्पष्ट केले होते की, ज्या कोणत्याही व्यक्तीला (1 ऑक्टोबर 2024 पूर्वी दाखल) आधार एनरोलमेंट आयडी (Aadhaar Enrolment ID) च्या आधारावर पॅन कार्ड इश्यू केले गेले आहे, त्यांच्यासाठी पॅन कार्ड आधार कार्डशी लिंक करणे आवश्यक आहे. जर तुमचे पॅन कार्ड आधार एनरोलमेंट आयडी वापरून बनवले गेले असेल, तरीही तुम्हाला तुमचा आधार नंबर जारी झाल्यानंतर लिंकिंग प्रक्रिया पूर्ण करावी लागेल.
पॅन कार्ड निष्क्रिय झाल्यास येणाऱ्या अडचणी
जर तुम्ही 31 डिसेंबर 2025 पर्यंत तुमचे पॅन कार्ड आधारशी लिंक केले नाही, तर दुसऱ्या दिवसापासून तुमचे पॅन कार्ड इनॲक्टिव्ह (Inactive) होईल. याचे अनेक तोटे आहेत.
– बँकिंग व्यवहार: तुम्ही बँक खाते किंवा डीमॅट खाते उघडू शकणार नाही. फिक्स्ड डिपॉझिट (Fixed Deposit) करू शकणार नाही. बँकेत 50,000 रुपयांपेक्षा जास्त रोख रक्कम जमा करू शकणार नाही.
– आर्थिक गुंतवणूक: शेअर बाजारात पैसे गुंतवू शकणार नाही, SIP (Systematic Investment Plan) सुरू करू शकणार नाही.
– सरकारी योजना: कोणत्याही सरकारी योजनेचा लाभ घेऊ शकणार नाही.
– कर भरणा: सर्वात महत्त्वाचे म्हणजे, तुम्ही आयटीआर (ITR – Income Tax Return) भरू शकणार नाही.
– इतर व्यवहार: इतकेच नाही, तर घर किंवा वाहन खरेदी-विक्री करतानाही तुम्हाला अडचणी येतील.
हेही वाचा – RBI Junio Payments: आता बँक खात्याशिवाय चालणार UPI! लहान मुलंही करू शकणार ऑनलाइन पेमेंट
पॅनला आधारशी कसे लिंक कराल?
पॅन कार्डला आधारशी लिंक करण्याची प्रक्रिया सोपी आहे. यासाठी काही स्टेप्स आहेत:
– सर्वात आधी तुम्हाला आयकर विभागाच्या अधिकृत वेबसाइट https://www.incometax.gov.in/iec/foportal वर जावे लागेल.
– त्यानंतर, डाव्या बाजूला असलेल्या 'Link Aadhaar' टॅबवर क्लिक करा.
– आपला पॅन नंबर (PAN Number) आणि आधार नंबर (Aadhaar Number) लिहून 'Validate' बटण दाबा.
– यानंतर, तुमच्या नोंदणीकृत मोबाईल नंबरवर एक ओटीपी (OTP) पाठवला जाईल.
– ओटीपी प्रविष्ट करताच, पॅनला आधारशी लिंक करण्याची प्रक्रिया पूर्ण होईल.
