Gold Price Today: लग्नांचा हंगाम जवळ येत असताना सोन्याच्या किमतींमध्ये सातत्याने चढ-उतार दिसत आहेत. देशातील मल्टी कमोडिटी एक्सचेंज (MCX) वरील व्यवहारात बुधवारीही सोन्याचा दर किंचित घसरल्याचे पाहायला मिळाले. पाच डिसेंबरला एक्सपायर होणारा गोल्ड फ्युचर्स कॉन्ट्रॅक्ट आज सकाळी 1,19,647 रुपये (प्रति 10 ग्रॅम) दराने उघडला.
सकाळी 10:30 च्या सुमारास हा दर 1,19,416 रुपयांवर आला म्हणजे मागील दिवसाच्या तुलनेत सुमारे 230 रुपयांची घसरण. मात्र, व्यवहाराच्या सुरुवातीला सोन्याने 1,20,104 रुपयांचा उच्चांक गाठला होता. या किंमत बदलामुळे गुंतवणूकदारांमध्ये सावधगिरीची भावना वाढली आहे.
चांदीत मात्र किंचित वाढ दिसली
दुसरीकडे, चांदीच्या भावात थोडीशी तेजी पाहायला मिळत आहे. 5 डिसेंबर एक्सपायरी असलेला चांदीचा फ्युचर कॉन्ट्रॅक्ट 1,44,761 रुपये प्रति किलो या दराने उघडला आणि व्यवहार सुरू असताना 1,44,729 रुपयांवर पोहोचला. मागील बंदभावाच्या तुलनेत सुमारे 387 रुपयांची वाढ नोंदवली गेली.
देशभरातील प्रमुख शहरांतील आजचे सोने दर (प्रति 10 ग्रॅम)
दिल्ली: 24 कॅरेट –1,21,730 रुपये | 22 कॅरेट – 1,11,600 रुपये
मुंबई: 24 कॅरेट – 1,21,580 रुपये | 22 कॅरेट – 1,11,450 रुपये
चेन्नई: 24 कॅरेट – 1,22,290 रुपये | 22 कॅरेट – 1,12,100 रुपये
कोलकाता: 24 कॅरेट – 1,24,480 रुपये | 22 कॅरेट – 1,14,100 रुपये
अहमदाबाद: 24 कॅरेट – 1,21,630 रुपये | 22 कॅरेट – 1,11,500 रुपये
लग्नसराईचा परिणाम सोन्याच्या मागणीवर
नोव्हेंबरपासून सुरू होणाऱ्या लग्नसराईमुळे सोन्याची मागणी वाढण्याची शक्यता आहे. प्रत्येक कुटुंबात दागिन्यांची खरेदी वाढते, ज्यामुळे दरात पुन्हा तेजी येऊ शकते. सोन्याच्या मागणीसह चांदीचेही व्यवहार वाढण्याची अपेक्षा व्यापाऱ्यांनी व्यक्त केली आहे.
तज्ज्ञांच्या मते, जागतिक बाजारातील चढ-उतार आणि डॉलरच्या तुलनेत रुपयाच्या घसरणीचा सोन्याच्या किंमतींवर थेट परिणाम होत आहे. त्यामुळे गुंतवणूकदारांनी सध्याच्या बाजारस्थितीवर लक्ष ठेवूनच खरेदी-विक्री करावी, असा सल्ला दिला जातो.
