Share Market Holidays 2026: गुंतवणूकदारांसाठी अत्यंत महत्त्वाची बातमी आहे. 2026 मध्ये शनिवार आणि रविवारच्या साप्ताहिक सुट्ट्यांव्यतिरिक्त देशांतर्गत शेअर बाजार एकूण 15 दिवस बंद राहणार आहेत. नॅशनल स्टॉक एक्स्चेंज (NSE) ने 2026 सालासाठीच्या ट्रेडिंग सुट्ट्यांची अधिकृत यादी जाहीर केली आहे. सार्वजनिक सुट्ट्यांच्या दिवशी बीएसई आणि एनएसई या दोन्ही प्रमुख शेअर बाजारांमध्ये व्यवहार बंद राहणार आहेत. एनएसई आणि बीएसईकडून वेळोवेळी सुट्ट्यांबाबतचे अपडेट्स त्यांच्या अधिकृत प्लॅटफॉर्मवर प्रसिद्ध केले जातात. त्यानुसार, 2026 मध्ये शनिवार-रविवार व्यतिरिक्त खालील दिवशी एनएसईवर ट्रेडिंग होणार नाही.
2026 मधील NSE ट्रेडिंग सुट्ट्या (शनिवार–रविवार वगळून)
26 जानेवारी – प्रजासत्ताक दिन
3 मार्च – होळी
26 मार्च – श्री राम नवमी
31 मार्च – श्री महावीर जयंती
3 एप्रिल – गुड फ्रायडे
14 एप्रिल – डॉ. बाबासाहेब आंबेडकर जयंती
1 मे – महाराष्ट्र दिन
28 मे – बकरी ईद
26 जून – मोहरम
14 सप्टेंबर – गणेश चतुर्थी
2 ऑक्टोबर – महात्मा गांधी जयंती
20 ऑक्टोबर – दसरा
10 नोव्हेंबर – दिवाळी (बलीप्रतिपदा)
24 नोव्हेंबर – प्रकाश पर्व श्री गुरु नानक देव
25 डिसेंबर – नाताळ
2026 मध्ये शनिवार/रविवारला येणाऱ्या प्रमुख सुट्ट्या
15 फेब्रुवारी – महाशिवरात्री
21 मार्च – ईद-उल-फित्र (रमजान ईद)
15 ऑगस्ट – स्वातंत्र्य दिन
8 नोव्हेंबर – दिवाळी (लक्ष्मी पूजन)
दिवाळी मुहूर्त ट्रेडिंग
एनएसईने स्पष्ट केले आहे की दिवाळी निमित्त मुहूर्त ट्रेडिंगला परवानगी दिली जाईल. रविवार, 8 नोव्हेंबर 2026 रोजी होणाऱ्या मुहूर्त ट्रेडिंगची वेळ नंतर जाहीर करण्यात येईल.
हेही वाचा - Nashik News : RBIची मोठी कारवाई; नाशिक जिल्ह्यातील 'या' बॅंकेवर घातले निर्बंध, ग्राहकांवर परिणाम
डिसेंबर महिन्यातील सुट्ट्यांचा आढावा
25 डिसेंबर रोजी नाताळच्या सुट्टीमुळे शेअर बाजार बंद राहतील. या दिवशी बीएसईमध्ये इक्विटी, इक्विटी डेरिव्हेटिव्ह्ज, एसएलबी, करन्सी डेरिव्हेटिव्ह्ज, एनडीएस-आरएसटी, ट्राय-पार्टी रेपो, इलेक्ट्रॉनिक गोल्ड रिसीट्स (EGR) आणि कमोडिटी डेरिव्हेटिव्ह्ज सेगमेंटमध्ये ट्रेडिंग होणार नाही. एनएसईतही इक्विटी, इक्विटी डेरिव्हेटिव्ह्ज, कॉर्पोरेट बाँड्स, नवीन कर्ज विभाग, वाटाघाटी केलेले ट्रेड रिपोर्टिंग प्लॅटफॉर्म, म्युच्युअल फंड, सिक्युरिटी लेंडिंग व कर्ज योजना, करन्सी व कमोडिटी डेरिव्हेटिव्ह्ज तसेच व्याजदर डेरिव्हेटिव्ह्ज यासह सर्व सेगमेंटसाठी सुट्टी असेल.
हेही वाचा - SBI FD Interest Rates: SBI ग्राहकांसाठी मोठी बातमी! मुदत ठेवींवरील व्याजदरात कपात; 15 डिसेंबरपासून नवे दर लागू
याशिवाय, रविवार 14 डिसेंबर, शनिवार 20 डिसेंबर, रविवार 21 डिसेंबर, शनिवार 27 डिसेंबर आणि रविवार 28 डिसेंबर रोजी साप्ताहिक सुट्ट्यांमुळे बाजार बंद राहणार आहेत. गुंतवणूकदारांनी आपले व्यवहार आणि गुंतवणूक नियोजन करताना या सुट्ट्यांची नोंद ठेवण्याचे आवाहन NSE कडून करण्यात आले आहे.