Bike Care Tips : सहसा, जेव्हा आपण बाईक खरेदी करायला जातो तेव्हा आपल्याला सर्वात आधी आवडणारी गोष्ट म्हणजे बाईकची डिझाइन. स्टायलिश दिसणाऱ्या बाईक्स सर्वांनाच खूप आवडतात. एकदा डिझाइन आवडल्यानंतर आपण बाईकच्या इतर वैशिष्ट्यांकडे पाहतो. जसे की, इंजिन, गिअरबॉक्स, सीट इत्यादी. पण बाईकचा सर्वात कमकुवत भाग कोणता आहे आणि कोणता पार्ट सर्वात जास्त संरक्षित ठेवला पाहिजे हे फार कमी लोकांना माहिती असते. तसेच, बाईक खरेदी करताना, जे भाग सामान्यतः कमकुवत असतात त्यांच्याकडे अधिक लक्ष दिले पाहिजे.

बाईकचा सर्वात नाजूक भाग म्हणजे फ्यूल टँक (पेट्रोल किंवा डिझेलची टाकी). थोडासा दबावही त्याचे नुकसान करू शकतो. यासोबतच, टाकीमध्ये छोटीशी समस्या निर्माण झाली तरीही हे तुमच्यासाठी घातक ठरू शकते. याशिवाय, सस्पेंशन सिस्टीम आणि ब्रेक्स हे देखील बाईकचे नाजूक पार्टस् मानले जातात.

हेही वाचा - Raw Garlic Benefits : कच्चा लसूण खाणं ठरेल संजीवनी, दररोज खाल्ल्याने 'या' समस्या होतील दूर

फ्यूल टँक
फ्यूल टँक हा बाईकचा नाजूक भाग असल्याने त्याची काळजी घेणे आणि वेळोवेळी तपासणी करणे आवश्यक ठरते. कारण, ही टाकी एखादा अपघात झाल्यास सहजपणे खराब होऊ शकते किंवा टाकीला गळती लागू शकते. जर ही टाकी फुटली किंवा गळू लागली तर ती धोकादायक ठरू शकते.  टाकीतील इंधन बाहेर आल्यामुळे अपघात होण्याची शक्यता असते. तसेच, एखाद्या अपघातात अशा टाकीतील इंधनाने पेट घेतल्यास अपघाताची तीव्रता वाढू शकते. तसेच, जीवावरही बेतू शकते. म्हणून टाकी नेहमीच सुरक्षित आणि चांगल्या स्थितीत असली पाहिजे.

सस्पेंशन सिस्टम
बाईकचे सस्पेंशन विशेषतः रस्त्यावरील खड्डे आणि अडथळे टाळण्यासाठी डिझाइन केलेले असते. परंतु, हा भाग खूप नाजूक असतो आणि जास्त दाब किंवा कोणत्याही मोठ्या धक्क्यामुळे तो खराब होऊ शकतो. यामुळे बाईकची रायडिंग क्वालिटी खराब होते.

हेही वाचा - World Cancer Day : धूम्रपान न करणाऱ्यांमध्ये फुफ्फुसांच्या कर्करोगाचा धोका वाढला! 'हे' आहे भयावह स्थितीचं कारण

ब्रेक्स
ब्रेक सिस्टम हा देखील बाईकचा अगदी नाजूक पार्ट आहे. जर ब्रेकमध्ये काही दोष किंवा समस्या असेल तर ते बाईकच्या नियंत्रणाला आणि सुरक्षिततेला हानी पोहोचवू शकते. ब्रेक पेडल किंवा डिस्कला होणारे नुकसान बाईकसाठी खूप धोकादायक ठरू शकते.
याशिवाय, इंजिन, गिअरबॉक्स, चेन देखील नाजूक आहेत, कारण त्यांना योग्यरित्या कार्य करण्यासाठी नेहमी लक्ष देणे आणि देखभाल आवश्यक आहे. बाईकची कार्यक्षमता टिकवून ठेवण्यासाठी या भागांची योग्य काळजी आणि नियमित तपासणी करणे आवश्यक आहे.