Water Coming Out of AC : उन्हाळा सुरू होताच घर, ऑफिस आणि दुकानांमध्ये एयर कंडीशनर (एसी) चा वापर झपाट्याने वाढतो, पण तुम्हाला माहित आहे का की, एसी वापरल्यानंतर जे पाणी बाहेर पडते ते सहसा फेकून दिले जाते. खरं तर ते अनेक फायदेशीर कामांसाठी वापरले जाऊ शकते. तुमच्या घरीही एसी बसवलेला असेल आणि त्यातून निघणारे पाणी तुम्ही गटारात ओतत असाल, तर आज आम्ही तुम्हाला अशा सोप्या आणि प्रभावी उपायांबद्दल सांगणार आहोत, ज्याद्वारे तुम्ही या पाण्याचा चांगला उपयोग करू शकता.
एसीच्या पाण्याची वैशिष्ट्ये
AC मधून निघणारे पाणी खरं तर हवेतील आर्द्रतेपासून तयार झालेले असते. हे पाणी डिस्टिल्ड वॉटरसारखे असते. म्हणजेच, त्यात खूप कमी प्रमाणात खनिजे किंवा रसायने असतात. जरी ते पिण्यायोग्य नसले तरी, ते अनेक घरगुती आणि रोजच्या कामांमध्ये वापरले जाऊ शकते.
हेही वाचा - नखांचा रंग बदलल्याने आयुष्य बदलू शकते का? जाणून घ्या, काय आहे 'ग्रीन नेल थिअरी'..
एसीचा पाण्याचा कुठे वापर करता येतो?
झाडांना पाणी देण्यासाठी : हे पाणी स्वच्छ असते आणि ते कोणत्याही धोक्याशिवाय झाडांना देता येते. विशेषतः घरातील झाडांसाठी हे पाणी खूप चांगले असते.
बाथरूम आणि टॉयलेट स्वच्छ करण्यासाठी : फरशी धुण्यासाठी, टॉयलेट फ्लश करण्यासाठी किंवा वॉशरूम स्वच्छ करण्यासाठी एसीच्या पाण्याचा मुक्तपणे वापर करता येतो.
वाहने स्वच्छ करण्यासाठी : गाडी धुण्यासाठी हे पाणी एक उत्तम पर्याय आहे. यामुळे पाण्याची बचत तर होईलच, पण तुमची गाडीही चमकेल. चारचाकीमध्ये लागणारे पाणी, चारचाकीची काच वायपरने स्वच्छ करण्यासाठी स्प्रेमध्ये घातले जाणारे पाणी यासाठी या पाण्याचा वापर करता येईल.
कूलिंग उपकरणांमध्ये वापर : काही लोक हे पाणी त्यांच्या घरातील लहान धबधब्यांमध्ये किंवा एयर कूलरमध्ये देखील वापरतात, कारण हे पाणी साचलेले नसते आणि मशीनसाठी सुरक्षित असते.
कपडे धुण्यासाठी किंवा फरशी पुसण्यासाठी : वॉशिंग मशीनमध्ये टाकण्याआधी कपड्यांना प्री-वॉश करायचं असेल किंवा बादलीत हाताने कपडे धुवायचे असतील, तर तिथेही या पाण्याचा वापर करता येतो.
हेही वाचा - उन्हाळ्यात ‘या’ वस्तू कारमध्ये चुकून सुद्धा ठेवू नका, अन्यथा स्फोट होऊन लागू शकते आग