मुंबई: महागड्या रिचार्जच्या ओझ्याखाली सामान्य ग्राहकांचा श्वास घुसमटू लागला असतानाच, टेलिकॉम क्षेत्रात एक अनपेक्षित हालचाल जाणवू लागली आहे. 5G च्या झगमगाटात झाकोळली गेलेली एक जुनी ओळखीची कंपनी अचानक चर्चेच्या केंद्रस्थानी आली आहे. वाढत्या बिलांनी हैराण झालेल्या ग्राहकांसाठी ही कंपनी दिलासा ठरणार का, की केवळ एक तात्पुरती आशा? खासगी कंपन्यांच्या दरवाढीला छेद देणारी ही स्वदेशी चाल नेमकी काय आहे, याकडे आता संपूर्ण देशाचे लक्ष लागले आहे.
भारतातील टेलिकॉम क्षेत्रात सध्या खासगी कंपन्यांच्या वाढत्या रिचार्ज किमतींमुळे सर्वसामान्य ग्राहकांचे बजेट कोलमडले आहे. अशा परिस्थितीत सरकारी मालकीची भारत संचार निगम लिमिटेड पुन्हा एकदा किंगमेकर ठरत आहे. इतर कंपन्या जिथे 5G च्या शर्यतीत धावत आहेत, तिथे BSNL ने मात्र आपल्या भक्कम आणि परवडणाऱ्या 4G सेवेच्या जोरावर ग्राहकांचे लक्ष वेधले आहे. विशेष म्हणजे, BSNL चे प्लॅन्स हे खासगी कंपन्यांच्या तुलनेत तब्बल 20 ते 30 टक्के स्वस्त असल्याने ग्राहकांची पावले आता पुन्हा एकदा स्वदेशी सेवेकडे वळताना दिसत आहेत.
अगदी खिशाला परवडणाऱ्या दरांचा विचार करायचा झाला, तर BSNL चा 99 रुपयांचा प्लॅन सध्या बाजारात चर्चेचा विषय ठरला आहे. हा प्लॅन प्रामुख्याने अशा ग्राहकांसाठी आहे ज्यांना डेटापेक्षा जास्त अनलिमिटेड व्हॉईस कॉलिंगची गरज असते. अवघ्या 99 रुपयांत 14 दिवसांसाठी अमर्यादित कॉलिंगची सुविधा मिळते. या प्लॅनचा दैनंदिन खर्च पाहिला तर तो केवळ सात रुपये इतका येतो. जरी यात फक्त पन्नास एमबी डेटा मिळत असला, तरी फक्त कॉलिंगसाठी हा एक सर्वोत्तम आणि स्वस्त पर्याय मानला जात आहे.
हेही वाचा: Bank Holiday Update : ग्राहकांनो लक्ष द्या!; सलग चार दिवस बँकांना कुलूप, आजच करा तुमचे व्यवहार पूर्ण
ज्यांना कॉलिंगसोबत थोडा अधिक डेटा हवा आहे, त्यांच्यासाठी BSNL ने 147 रुपयांचा प्लॅन उपलब्ध करून दिला आहे. या प्लॅनमध्ये 24 दिवसांची वैधता, पाच GB डेटा आणि अनलिमिटेड व्हॉईस कॉलिंगचा लाभ मिळतो. कोणत्याही लपलेल्या अटींशिवाय थेट फायदा देणारा हा प्लॅन ग्राहकांमध्ये लोकप्रिय ठरत आहे. विशेष म्हणजे, TRAI च्या नियमानुसार या प्लॅनमधून पोर्टआउट SMS पाठवण्याची सुविधाही उपलब्ध आहे.
मोठ्या प्रमाणात डेटा वापरणाऱ्या आणि मनोरंजनप्रेमी युजर्ससाठी BSNL कडे 999 रुपयांचा प्रीमियम प्लॅन देखील आहे. या प्लॅनमध्ये दरमहा तब्बल 5000 GB हायस्पीड डेटा दिला जातो. यासोबतच OTT प्रेमींसाठी Sony LIV, Lionsgate Play, Epic On आणि Shemaroo यांसारख्या प्लॅटफॉर्म्सचा मोफत ॲक्सेसही या प्लॅनमध्ये समाविष्ट आहे. एकाच रिचार्जमध्ये घरचे मिनी थिएटर तयार होईल, अशी ही सुविधा आहे.
सध्याच्या महागाईच्या काळात BSNL चे हे प्लॅन्स म्हणजे सर्वसामान्य ग्राहकांसाठी मोठा दिलासा ठरत आहेत. खासगी टेलिकॉम कंपन्यांच्या वाढत्या रिचार्ज दरांना चाप लावण्यासाठी BSNL चे हे स्वस्त आणि मस्त रिचार्ज व्हाउचर्स नक्कीच फायदेशीर ठरत आहेत. तुम्हीही जर कमी खर्चात जास्त कनेक्टिव्हिटी शोधत असाल, तर BSNL कडे स्विच करणे हा एक सुज्ञ आणि परवडणारा निर्णय ठरू शकतो.
हेही वाचा: Tamil Nadu CM MK Stalin : "भाजप-युतीचा पराभव निश्चित!" पंतप्रधान मोदींच्या तामिळनाडू दौऱ्यापूर्वी मुख्यमंत्री स्टालिन यांचा हल्लाबोल