मुंबई: उन्हाळा सुरु झाला की शरीराला थंडाव्याची आणि हायड्रेशनची अधिक गरज भासते. पण तरीही अनेक लोकांची सकाळची सुरुवात चहाशिवाय पूर्ण होत नाही. थंडी असो की ऊन, अनेकांसाठी चहा ही दैनंदिन जीवनशैलीचा भाग आहे. मात्र उन्हाळ्याच्या दिवसात चहा पिणे तुमच्या आरोग्यास हानिकारक ठरू शकते. जाणून घ्या चहा न पिल्याने शरीरात काय फायदे होतात.
1. डिहायड्रेशनपासून संरक्षण
चहा मध्ये असणारे कॅफीन आणि टॅनिन हे शरीरातील पाणी कमी करण्यास कारणीभूत ठरतात. उन्हाळ्यात घाम जास्त येत असल्याने शरीराला भरपूर पाण्याची आवश्यकता असते. चहा पिल्याने लघवी जास्त होते आणि त्यामुळे शरीर डिहायड्रेट होते. चहा न पिल्यास शरीर हायड्रेटेड राहते आणि थकवा जाणवत नाही.
2. पचनतंत्र सुधारते
चहा पिल्याने पोटात उष्णता वाढते, ज्यामुळे अ‍ॅसिडिटी, गॅस, अपचन यांसारख्या समस्या उद्भवू शकतात. कॅफीन डाइजेस्टिव्ह एंझाइम्सच्या कार्यावर परिणाम करू शकते. याच्या ऐवजी छाछ, लिंबूपाणी, नारळपाणी यांसारखे नैसर्गिक पेय घेतल्यास पचन सुधारते आणि शरीराला थंडावा मिळतो.
बँक सुट्ट्यांची सतर्कता; 29 एप्रिलपासून 1 मेपर्यंत सलग तीन दिवस बँका बंद
3. झोपेची गुणवत्ता सुधारते
कॅफीनमुळे मेंदू अधिक अ‍ॅक्टिव्ह होतो आणि त्यामुळे झोपेवर परिणाम होतो. उन्हाळ्यात आधीच उष्णतेमुळे झोप नीट लागत नाही, त्यात चहा पिल्यास झोपेची समस्या वाढू शकते. चहा न पिल्यास शांत झोप मिळते आणि शरीराला पुरेसा आराम मिळतो.
4. शरीराचे तापमान नियंत्रित राहते
चहा हा उष्ण पेय आहे, त्यामुळे शरीराचे तापमान वाढते. उन्हाळ्यात शरीराला थंड ठेवणे आवश्यक असते. चहा पिल्यास घाम, बेचैनी, झोप न लागणे यांसारख्या तक्रारी होऊ शकतात. यासाठी थंड पेयांचे सेवन करणे फायदेशीर ठरते.
5. त्वचेसाठी फायदेशीर
चहा पिल्याने शरीरात पाण्याची कमतरता निर्माण होऊन त्वचा कोरडी, बेजान दिसू शकते. चहा न घेतल्यास त्वचा हायड्रेटेड राहते. यामुळे पिंपल्स पासून संरक्षण होते आणि त्वचा अधिक तेजस्वी दिसते.
6. ऊर्जा पातळी टिकून राहते
चहा पिल्यावर काही वेळ उत्साही वाटते, पण नंतर थकवा आणि सुस्ती जाणवते. चहा न घेतल्यास शरीराची एनर्जी लेव्हल स्थिर राहते आणि दिवसभर अ‍ॅक्टिव्ह वाटते.
उन्हाळ्यात चहा टाळल्याने शरीरात थेट सकारात्मक बदल दिसून येतात. त्यामुळे या हंगामात चहा कमी करून आरोग्यदायी, नैसर्गिक पर्याय निवडावेत. यामुळे फक्त आरोग्य सुधारत नाही, तर तुम्ही दिवसभर ताजेतवाने आणि ऊर्जावानही राहता.
Disclaimer:ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.