वेस्ट इंडिजविरुद्धच्या अखेरच्या तीन एकदिवसीय सामन्यांसाठी आज भारतीय संघाची घोषणा करण्यात आली. भुवनेश्वर कुमार आणि जसप्रित बुमराहला संघात स्थान देण्यात आले आहे. तर मोहम्मद शामीला संघातून वगळण्यात आले आहे
वेस्ट इंडिजविरुद्धच्या अखेरच्या 3 एकदिवसीय सामन्यांसाठी आज भारतीय संघाची घोषणा करण्यात आली. भुवनेश्वर कुमार आणि जसप्रित बुमराहला संघात स्थान देण्यात आले आहे तर मोहम्मद शामीला संघातून वगळण्यात आलं आहे.
भारत विरुद्ध वेस्ट इंडिज यांच्यात 5 वनडे सामन्यांची मालिका सुरू असून आतापर्यंत 2 सामने झाले आहेत. गुवाहटी येथे खेळलेला पहिला सामना भारताने 8 गडी राखून जिंकला.
तर विशाखापट्टणम येथील सामन्यात दोन्ही संघाची धावसंख्या समान असल्याने हा सामना टाय झाला. मालिकेतील तिसरा सामना 27 ऑक्टोबरला पुण्यात होणार आहे. 29 ला मुंबईत तर अखेरचा सामना थिरुवनंतपूरम येथे होणार आहे.
5 वनडे सामन्यांची मालिका संपल्यानंतर 3 सामन्यांची टी-20 मालिका खेळवण्यात येणार आहे.
टी-20चा पहिला सामना 4 नोव्हेंबर रोजी कोलकातामध्ये, दुसरा सामना 6 नोव्हेंबरला लखनऊ आणि तिसरा व अखेरचा सामना चेन्नईत 11 नोव्हेंबरला खेळवण्यात येणार आहे.
अखेरच्या 3 वनडेसाठी भारतीय संघात असणार हे खेळाडू
