Ladki Bahin Yojana: e-KYC करताना चूक झालीये? सरकारने दिली शेवटची संधी; जाणून घ्या संपूर्ण प्रक्रिया

Ladki Bahin Yojana: राज्यातील महिलांसाठी राबवण्यात येणाऱ्या लाडकी बहीण योजना संदर्भात एक महत्त्वाची अपडेट समोर आली आहे. या योजनेचा लाभ घेण्यासाठी लाभार्थींना ई-केवायसी (eKYC) करणे बंधनकारक करण्यात आले होते. मात्र केवायसी करताना काही महिलांकडून माहिती भरताना चुका झाल्यामुळे त्यांचे हप्ते थांबवण्यात आले होते. आता अशा महिलांसाठी शासनाने दुरुस्तीची अंतिम संधी जाहीर केली आहे.

अनेक लाभार्थींनी केवायसी पूर्ण केली असली तरी काही प्रश्नांची चुकीची उत्तरे, अपूर्ण माहिती किंवा कागदपत्रांतील तफावत यामुळे त्यांचा लाभ बंद झाला. परिणामी डिसेंबरपासून अनेकांच्या खात्यात हप्ते जमा झाले नाहीत. यामुळे लाभार्थी महिलांमध्ये संभ्रम आणि नाराजी निर्माण झाली होती.

आता शासनाने या महिलांना पुन्हा एकदा केवायसी दुरुस्त करण्याची संधी दिली आहे. 31 मार्च 2026 पर्यंत आवश्यक ती सुधारणा करून माहिती अपडेट करता येणार आहे. योग्य तपशील भरल्यानंतर पात्र लाभार्थींचा लाभ पुन्हा सुरू केला जाणार असल्याची माहिती देण्यात आली आहे.

हेही वाचा: UPI One World: आता परदेशी पर्यटकांना करणार येणार 'स्कॅन आणि पे'; NPCI कडून 'UPI One World' सेवा लाँच

eKYC दुरुस्ती कशी कराल? स्टेप बाय स्टेप प्रक्रिया

1. सर्वप्रथम अधिकृत पोर्टल किंवा संबंधित सेवा केंद्रावर भेट द्या.

2. आपल्या नोंदणीकृत मोबाईल क्रमांकावर आलेल्या OTP द्वारे लॉगिन करा.

3. eKYC विभागात जाऊन पूर्वी भरलेली माहिती तपासा.

4. चुकीची माहिती असल्यास ती योग्य कागदपत्रांनुसार दुरुस्त करा.

5. आवश्यक कागदपत्रे अपलोड करून सबमिट करा.

6. अर्जाची स्थिती वेळोवेळी तपासत राहा.

दुरुस्ती पूर्ण झाल्यानंतर अर्जाची पडताळणी होईल आणि पात्रता निश्चित झाल्यावर लाभ पुन्हा सुरू होईल.

हेही वाचा: RBI Credit Card Rules: बँका आता मनमानी करू शकणार नाहीत! क्रेडिट कार्ड वापरणाऱ्यांसाठी RBIचे नवे नियम जाहीर

रखडलेले हप्ते एकत्र मिळणार?

मिळालेल्या माहितीनुसार, केवायसी योग्यरित्या पूर्ण झालेल्या महिलांच्या खात्यात रखडलेले हप्ते एकत्र जमा करण्याची तयारी आहे. डिसेंबरपासून थांबलेले हप्ते एप्रिल महिन्यात एकत्र मिळण्याची शक्यता वर्तवली जात आहे. त्यामुळे अनेक महिलांना मोठा दिलासा मिळणार आहे.

तज्ज्ञांच्या मते, शासकीय योजनांमध्ये केवायसी ही अत्यंत महत्त्वाची प्रक्रिया असते. लाभ मिळवताना अचूक माहिती देणे आवश्यक आहे. चुकीची माहिती भरल्यास लाभ थांबू शकतो. त्यामुळे दुरुस्तीची ही संधी गांभीर्याने घेणे आवश्यक आहे.

जर तुमचा किंवा तुमच्या कुटुंबातील कोणाचा हप्ता थांबला असेल, तर 31 मार्चपूर्वी आवश्यक दुरुस्ती करणे गरजेचे आहे. वेळेत प्रक्रिया पूर्ण केल्यास लाभ पुन्हा सुरू होऊन थकित रक्कमही मिळू शकते. महिलांसाठी ही संधी अत्यंत महत्त्वाची मानली जात आहे. त्यामुळे कोणतीही चूक राहू नये याची काळजी घेऊन केवायसी प्रक्रिया पूर्ण करणे हितावह ठरेल.