अहिल्यानगर : अहिल्यानगर जिल्ह्यातील नेवासा या तालुक्यातून एक हादरवणारी घटना समोर आलेली आहे. गोधेगाव येथील शेतकऱ्याला बिबट्याने शेतात ओढून ठार केल्याची अतिशय धक्कादायक घटना घडली आहे. मिळालेल्या माहितीनुसा, सुरेश अहिरे असे शेतकऱ्याचे नवा असून ते 15 तारखेच्या रात्रीपासून बेपत्ता होते. घरच्यांनी त्यांचा तपास केला मात्र ते कुठेही सापडले नाही. शेवटी दोन दिवसानंतर त्यांच्या शेतातच त्यांच्या शरीराचे काही अवयव आढळून आले.
प्राथमिक अंदाजानुसार, बिबट्यानेच सुरेश यांच्यावर हल्ला करत त्यांना शेतात ओढून नेले आणि ठार केले. या घटनेची माहिती मिळताच वनविभाग आणि पोलिसांचे पथक घटनास्थळी दाखल झाले. सध्या घटनेचा पंचनामा करत तपास सुरु केला आहे. या घटनेमुळे गोधेगावसह संपूर्ण नेवासा तालुक्यात भीतीचे वातावरण पसरले आहे असून तातडीने बिबट्याचा बंदोबस्त करण्याची मागणी ग्रामस्थांनी केलेली आहे.
