वाशिम जिल्ह्यातील रिसोड शहरातून एक धक्कादायक घटना समोर आलेली आहे. घरगुती वादातून पतीने पत्नीची चाकून सपासप वार करत निर्घृण हत्या केली आहे. मिळालेल्या माहितीनुसार, पती-पत्नीमध्ये घरगुती कारणावरुन वाद झालेला होता. संतापलेल्या पतीने पत्नीवर थेट चाकून अनेक वार केले.
या हल्ल्यात पत्नी गंभीर जखमी झालेली होती. त्यानंतर तिला जखमी अवस्थेतमध्येच तातडीने रुग्णालयात दाखल केले होते. मात्र, उपचारादरम्यान तिचा मृत्यू झाला. या घटनेनंतर आरोपी पती फरार झाला होता. पोलिसांना संबंधित घटनेची माहिती मिळताच त्यांनी तपासाची चक्रे फिरवत फरार झालेल्या आरोपी योगेश ढोबळे याला ताब्यात घेतले आहे. या घटनेमुळे रिसोड शहरात मोठी खळबळ उडाली असून पुढील तपास पोलीस करत आहेत.
