मुंबई: बुलढाणा जिल्ह्यातील जगप्रसिद्ध लोणार सरोवर बघण्यासाठी जगभरातून पर्यटक येतात. या परिसरास भेट देण्यासाठी जास्तीत जास्त पर्यटक आकर्षित झाले पाहिजेत. यादृष्टीने परिसरातील विकास कामांना गती देण्याचे निर्देश पर्यटन, खनिकर्म आणि माजी सैनिक कल्याण मंत्री शंभूराज देसाई यांनी दिले.
मंत्रालयातील दालनात लोणार सरोवराच्या जतन, संवर्धन, आणि विकास आराखडा संदर्भात बैठक झाली. यावेळी माजी आमदार संजय रायमुलकर, पर्यटन विभागाचे प्रधान सचिव अतुल पाटणे, पर्यटन संचालक डॉ.बी. एन. पाटील, एमटीडीसीचे व्यवस्थापकीय संचालक मनोज कुमार सूर्यवंशी, तसेच व्हीसीद्वारे बुलढाण्याचे जिल्हाधिकारी किरण पाटील, सहाय्यक वनसंरक्षक चेतन राठोड, पुरातत्व विभागाचे अधिकारी अरुण मलिक उपस्थित होते.
हेही वाचा: शिरीष महाराजांची शेवटची इच्छा पूर्ण; कर्ज फिटले
पर्यटन मंत्रालयात बैठक
मंत्रालयातील दालनात लोणार सरोवराच्या संवर्धन व विकास आराखड्यावर बैठक झाली. यावेळी माजी आमदार संजय रायमुलकर, पर्यटन विभागाचे प्रधान सचिव अतुल पाटणे, पर्यटन संचालक डॉ. बी. एन. पाटील, एमटीडीसीचे व्यवस्थापकीय संचालक मनोज कुमार सूर्यवंशी उपस्थित होते. तसेच बुलढाणा जिल्हाधिकारी किरण पाटील, सहाय्यक वनसंरक्षक चेतन राठोड आणि पुरातत्व विभागाचे अधिकारी अरुण मलिक यांनी व्हर्च्युअली सहभाग घेतला.
हेही वाचा: श्रीकांत शिंदेंकडून आमदारांना स्नेहभोजनाचं निमंत्रण
पर्यटन सुविधांना गती देणार
मंत्री शंभूराज देसाई म्हणाले, "लोणार सरोवर हे पर्यटक व संशोधनासाठी महत्त्वाचे केंद्र आहे. नासाचे शास्त्रज्ञही येथे वारंवार भेट देतात. त्यामुळे येथे उत्तम सुविधा द्याव्यात."
महत्त्वाचे निर्देश:
तारांगण, संग्रहालय, चिल्ड्रन पार्क, गार्डन व एमटीडीसी रेस्ट हाऊस यांची कामे युद्धपातळीवर सुरू करावीत.
पर्यटकांना रोपवे सुविधा देता येईल का, याचा अभ्यास करावा.
पर्यटन विकासासाठी निधीची कमतरता भासू दिली जाणार नाही.