केंद्रीय अर्थसंकल्पानंतर भारतीय शेअर बाजाराला मोठा फटका बसला आहे. आज सेन्सेक्स तब्बल 678 अंकांनी घसरून 76,827 अंकांवर पोहोचला, तर निफ्टी 207 अंकांनी घसरून 23,274 अंकांवर बंद झाला. टाटा मोटर्स, टाटा स्टील, झोमॅटो आणि इंडसइंड बँकेसह अनेक दिग्गज कंपन्यांच्या शेअर्समध्ये मोठी घसरण झाली आहे.
गुंतवणूकदारांचे 5 लाख कोटी रुपये बुडाले!
शेअर बाजारातील या अचानक झालेल्या मोठ्या पडझडीमुळे गुंतवणूकदारांचे अवघ्या 5 मिनिटांत 5 लाख कोटी रुपये गमावले गेले. मागील काही आठवड्यांपासून बाजारात अस्थिरता असल्याने म्युच्युअल फंड गुंतवणूकदारही चिंतेत आहेत. मोठ्या नुकसानीमुळे अनेक गुंतवणूकदारांनी आपली एसआयपी (SIP) बंद केली असून, मोठ्या प्रमाणावर पैसे काढण्याचा कल दिसून येत आहे.
हेही वाचा: श्रेयस तळपदे आणि आलोक नाथ फसवणूक प्रकरणात अडकले!
आशियाई शेअर बाजारही कोसळले!
फक्त भारतीय बाजारच नाही, तर जपान, हाँगकाँग आणि तैवानच्या बाजारातही मोठ्या घसरणीची नोंद झाली आहे –
जपानच्या निक्केई 225 निर्देशांकात 2.27% घसरण
हाँगकाँगच्या हँग सेंग निर्देशांकात 2.07% घसरण
तैवानच्या निर्देशांकात तब्बल 3.47% घसरण
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
बाजार पुढे कसा वळणार?
तज्ज्ञांच्या मते, सध्याची घसरण ही जागतिक आणि आर्थिक अनिश्चिततेमुळे झालेली असली, तरी गुंतवणूकदारांनी घाबरून विक्री करू नये. पुढील काही दिवस बाजारात मोठे चढ-उतार राहण्याची शक्यता असून, अर्थव्यवस्थेतील स्थिरतेनंतर गुंतवणूकदारांना दिलासा मिळू शकतो.
हेही वाचा: राज्यात पहिल्यांदाच सोशल वॉर रूम! मुख्यमंत्री फडणवीसांची मोठी रणनीती
तुमच्या मते बाजारात ही घसरण तात्पुरती आहे का? तुमची गुंतवणूक धोरण काय असेल? कमेंटमध्ये सांगा!
शेअर बाजारातील गुंतवणूक जोखमीची आहे. नियम व अटी काळजीपूर्वक वाचा. जय महाराष्ट्र कोणत्याही नफ्या-तोट्यास जबाबदार नाही. गुंतवणुकीपूर्वी तज्ज्ञांचा सल्ला घ्यावा!
