शारदीय नवरात्रोत्सवाला आजपासून सुरुवात झाली असून पहिल्या दिवसाचा रंग नारंगी आहे. गरब्याच्या दिवशी त्या-त्या रंगाचा पेहराव करून गरबा खेळण्याची मज्जाच वेगळी. मात्र सध्या चणिया चोलीचे भाव गगनाला भिडले आहेत. प्रत्येक दिवसासाठी वेगळा सेट घेणं खिशाला परवडणारं नाही.मग उपाय काय? एकाच चणिया चोलीला 3 वेगळ्या स्टाइलमध्ये ट्राय करा. हटके लूकसोबतच पैशांचीही बचत होईल आणि कमी खर्चात सेलिब्रिटी लूक मिळेल.
लूक 1 : ट्रेडिशनल गरबा क्वीन – पहिल्या दिवसासाठी
काय कराल? – तुमच्या चणिया चोलीवर जड ऑक्सिडाइज्ड ज्वेलरी घाला. मोठे झुमके, नथ आणि कंबरपट्टा.
हेअरस्टाइल – केसांना मेस्सी बन आणि त्याला गजरा.
टीप – यावेळी दुपट्टा समोरून ओपन ड्रेप करा, लूक एकदम भरलेला दिसेल.
लूक 2 : इंडो-वेस्टर्न फ्युजन – मित्र-मैत्रिणींसोबतच्या गरब्यासाठी
काय कराल? – चोलीच्या वरती एक लॉंग श्रग किंवा डेनिम जॅकेट घाला. चणियाचा घेर थोडा वर करून त्याला बेल्ट लावा.
ज्वेलरी – फक्त एक मोठी रिंग आणि लहान कानातले.
हा लूक गरबा खेळताना खूप कम्फर्टेबल असतो आणि फोटोमध्येही एकदम हटके दिसतो.
हेही वाचा – नवरात्रीत उपवास करताना ॲसिडिटीचा त्रास होतोय? ‘या’ सोप्या उपायांनी मिळवा आराम
लूक 3 : मिनिमल अँड एलिगंट – अष्टमी / दांडियासाठी
काय कराल? – तोच चणिया आणि वेगळ्या रंगाची प्लेन ब्लॅक किंवा व्हाइट चोली मिक्स-मॅच करा. दुपट्टा स्कर्टमध्ये खोसून साइडला लटकवा.
ज्वेलरी – चोकर आणि हातात भरपूर बांगड्या.
टीप – डोळ्यांना बोल्ड काजळ आणि न्यूड लिपस्टिक, लूक एकदम क्लासी होईल.
एक्स्ट्रा हॅक:
1. चोली उलट घालून बॅकलेस लूक ट्राय करा.
2. दुपट्ट्याचा टॉप म्हणून वापर करा.
3. चणियावर फक्त व्हाइट कुर्ती आणि ऑक्सिडाइज्ड हार घातला तरी नवा ड्रेस वाटेल.
