Rajya Sabha Election 2026: भारतीय जनता पक्षाने (भाजप) उत्तर प्रदेशातील आगामी द्वैवार्षिक राज्यसभा निवडणुकीसाठी आपल्या 8 उमेदवारांची अधिकृत यादी जाहीर केली आहे. पक्षाच्या केंद्रीय निवडणूक समितीने राज्यातील जागांसाठी उमेदवारांची नावे निश्चित केली असून, भाजपचे राष्ट्रीय मुख्यालय प्रभारी तरुण चुग यांनी ही यादी प्रसिद्ध केली. आगामी 16 ऑक्टोबर रोजी उत्तर प्रदेशातील 10 राज्यसभा जागांसाठी मतदान प्रक्रिया पार पडणार आहे. भाजपने या निवडणुकीत अनेक नवीन आणि संघटनात्मक चेहऱ्यांना संधी दिली आहे, तर दुसरीकडे विद्यमान राज्यसभा खासदार आणि केंद्रीय मंत्री हरदीप सिंग पुरी यांना या यादीतून वगळण्यात आले आहे.
या 8 नेत्यांना भाजपने दिली राज्यसभेची उमेदवारी
भाजपने जाहीर केलेल्या उमेदवारांच्या यादीत सामाजिक आणि प्रादेशिक समतोल साधण्याचा प्रयत्न करण्यात आला आहे. यामध्ये खालील प्रमुख नेत्यांचा समावेश आहे:
महिला आणि संघटनात्मक प्रतिनिधींना विशेष प्राधान्य
याशिवाय पक्षाने तळागाळातील कार्यकर्ते आणि महिला नेतृत्वालाही राज्यसभेची संधी दिली आहे. यामध्ये बाराबंकीच्या माजी लोकसभा खासदार आणि प्रमुख महिला चेहरा प्रियांका सिंग रावत तसेच बरेली येथील अर्बन को-ऑपरेटिव्ह बँकेच्या अध्यक्षा आणि आयआयटी (IIT) पदवीधर श्रुती गंगवार यांचा समावेश आहे. श्रुती गंगवार या ज्येष्ठ नेते संतोष गंगवार यांच्या कन्या आहेत. तसेच भाजपचे ज्येष्ठ संघटक गोपी कृष्ण पांडे आणि पश्चिम उत्तर प्रदेशचे प्रभारी व माजी आमदार राम प्रताप सिंग चौहान यांनाही उमेदवारी देण्यात आली आहे.
या 8 उमेदवारांच्या निवडीमुळे भाजपने उत्तर प्रदेशात आगामी निवडणुकांच्या पार्श्वभूमीवर सामाजिक समीकरणे आणि संघटनात्मक पकड अधिक मजबूत करण्याचा प्रयत्न केला आहे.
