IPL 2026 Jerseys Price: मुंबई इंडियन्सनं इथेही बाजी मारली; प्रतिस्पर्धी संघांच्या तुलनेत MI ची जर्सी ठरली सर्वाधिक किमतीची, बाकी टीम्सच्या जर्सीचे अधिकृत दर काय?

IPL 2026 Jerseys Price: इंडियन प्रीमियर लीग (IPL) 2026 हंगाम जवळ येत असताना क्रिकेट चाहत्यांमध्ये उत्साहाचे वातावरण निर्माण झाले आहे. प्रत्येक वर्षीप्रमाणे यंदाही विविध संघांनी आपल्या अधिकृत जर्सीचे नवे डिझाइन सादर केले आहे. मात्र यावेळी या जर्सींच्या किमती पाहून अनेक चाहत्यांना आश्चर्याचा धक्का बसत आहे. काही लोकप्रिय संघांच्या अधिकृत जर्सींच्या किमती प्रीमियम श्रेणीत असल्याचे दिसून येत आहे.

उपलब्ध माहितीनुसार, मुंबई इंडियन्स (MI) संघाची अधिकृत जर्सी सर्वाधिक महाग असून तिची किंमत सुमारे 5,999 इतकी आहे. तर रॉयल चॅलेंजर्स बंगळुरू (RCB) संघाची जर्सी सुमारे 5,499 दराने विकली जात आहे. याशिवाय इतर काही संघांच्या जर्सी तुलनेने कमी किमतीत उपलब्ध आहेत. चेन्नई सुपर किंग्ज (CSK) संघाची जर्सी सुमारे 2,399 पासून सुरू होते, तर कोलकाता नाईट रायडर्स (KKR) संघाची जर्सी सुमारे 1,899 किंमतीत उपलब्ध असल्याची माहिती आहे.

हेही वाचा: BCCI Naman Awards 2026: आज दिल्लीत रंगणार क्रिकेट ताऱ्यांचा मेळा; कुठे, कधी आणि कसं पाहायचं 'नमन' पुरस्कारांचं लाईव्ह स्ट्रीमिंग? जाणून घ्या

प्रत्येक संघाने यंदा जर्सीच्या डिझाइनमध्ये काही खास बदल केले आहेत. रॉयल चॅलेंजर्स बंगळुरूची जर्सी पारंपरिक लाल रंगाच्या बेसवर काळ्या पॅनेल्स आणि सोनेरी डिटेलिंगसह तयार करण्यात आली आहे. या डिझाइनमध्ये संघाच्या यशाचे प्रतीक म्हणून नवीन स्टारही दाखवण्यात आला आहे. सनरायझर्स हैदराबाद (SRH) संघाची जर्सी केशरी रंगाच्या बेसवर काळ्या ज्वालांसारख्या डिझाइनसह आकर्षक बनवण्यात आली आहे.

चेन्नई सुपर किंग्जच्या जर्सीमध्ये यंदा प्रसिद्ध Yellove ब्रँडिंगला विशेष महत्त्व देण्यात आले आहे. पिवळ्या रंगाच्या या जर्सीचे नवे डिझाइन चाहत्यांमध्ये चांगलेच लोकप्रिय होत असल्याचे दिसत आहे. दुसरीकडे कोलकाता नाईट रायडर्सची जर्सी जांभळ्या रंगाच्या बेसवर सोनेरी जियोमेट्रिक पॅटर्नसह तयार करण्यात आली आहे. त्यावर संघाने जिंकलेल्या विजेतेपदांचे प्रतीक म्हणून तीन स्टारही दाखवण्यात आले आहेत.

हेही वाचा: IPL 2026 Captains List: IPL साठी सर्व 10 संघांच्या कर्णधारांची नावे जाहीर; राजस्थानची धुरा 'या' युवा खेळाडूच्या खांद्यावर, पाहा संपूर्ण यादी

या जर्सी अधिकृतपणे संबंधित संघांच्या वेबसाइट्स, तसेच काही ब्रँड पार्टनर आणि क्रीडा वस्तूंच्या अधिकृत स्टोअर्समध्ये उपलब्ध आहेत. काही जर्सी प्रसिद्ध स्पोर्ट्स ब्रँड्सद्वारेही विकल्या जात आहेत. तसेच ऑनलाइन प्लॅटफॉर्मवर चाहत्यांसाठी अनधिकृत किंवा प्रतिकृती जर्सी देखील कमी किमतीत उपलब्ध असल्याचे दिसते.

दरम्यान, जर्सीची किंमत ही तिच्या प्रकारावरही अवलंबून असते. प्लेअर एडिशन, फॅन एडिशन किंवा रेप्लिका या प्रकारांनुसार किंमती बदलू शकतात. तरीही आपल्या आवडत्या संघाची जर्सी परिधान करून संघाला पाठिंबा देण्याचा आनंद चाहत्यांसाठी खास असतो. त्यामुळे आयपीएल 2026 हंगामाच्या पार्श्वभूमीवर जर्सी खरेदी करण्यासाठी चाहत्यांमध्ये उत्सुकता वाढताना दिसत आहे