सातारा जिल्ह्यातून एक हृदय विळवटून टाकणारी घटना समोर आलेली आहे. शिवथर आणि मालगावमधील न्हाळेवाडी गावात बिबटयाने घराबाहेर खेळत असलेल्या अवघ्या 2 वर्षांच्या चिमुकल्यावर प्राणघातक हल्ला केलेला आहे.संध्याकाळी साधारण साडेसातच्या सुमारासा लाईट गेली असल्याने सर्वत्र अंधार होता. यायाच फायदा घेत बिबट्याने चिमुकल्याला उचलून तब्बल 500 मीटरर्यंत उसाच्या शेतात ओढत नेले.
ग्रामस्थांनी आरडाओरड करत पाठलाग केल्यानंतर बिबट्याने चिमुकल्याला सोडले. मात्र गंभीर झालेल्या जखमांमुळे चिमुकल्याचा जागीच मृत्यू झाला.
गेल्या तीन महिन्यांपासून या परिसरात बिबट्याचा वावर असूनही वनविभागाने दुर्लक्ष केल्याचा आरोप सध्या ग्रामस्थ करत आहेत. या घटनेमुळे गावात भीतीचे वातावरण असून बिबट्याला तातडीने जेरबंद करण्यात यावे, अशी मागणी होत आहे.
