Italy Give 92 lakh rupees to settle there: इटली देशातील एका राज्याने तिथे स्थायिक होण्यासाठी चक्क सरकारकडून 92 लाख रुपये देण्याची ऑफर दिली आहे. यामध्ये काही अटीही आहेत. मात्र, परदेशात स्थायिक होण्यासाठी किंवा होण्याची इच्छा मनात बाळगून असलेल्यासाठी ही एक नंबर ऑफर आहे.

जर आपल्यापैकी कोणाला परदेशात स्थायिक होण्याची चांगली ऑफर मिळाली तर तुम्हाला तिथे स्थायिक व्हायला आवडेल का? कदाचित हो! कारण परदेशात राहायला कोणाला आवडणार नाही? पण आपल्याला इतकेच माहीत आहे की, एखाद्याकडे फक्त एखाद्या ठिकाणी राहण्यासाठी पीआर (कायमस्वरूपी निवासस्थान - Permanent Residency) असते आणि अशीच व्यक्ती त्या ठिकाणी कायमची स्थायिक होऊ शकतो. शिवाय, आपल्याला हेही  माहिती आहे की, परदेशात स्थायिक होणे इतके सोपे नाही. त्यासाठी हजारो कागदपत्रे आवश्यक आहेत, ज्यांची वैधता किंवा निष्क्रियता त्या देशाच्या अधिकाऱ्यांच्या हातात आहे. मात्र, परदेशी स्थायिक होण्याची इच्छा मनात बाळगून असलेल्यांसाठी एक मालामाल ऑफर इटलीने जाहीर केली आहे.

हेही वाचा - अमेरिकन नागरिकाचा कारनामा! चाकू दाखवत चक्क विमान अपहरणाचा प्रयत्न; विमान हवेत असताना थरार! मग..

आपल्या देशाची लोकसंख्या सध्या जगात सर्वांत जास्त आहे. त्यामुळे जास्त लोकसंख्येला येणाऱ्या समस्यांना आपल्याला तोंड द्यावे लागत आहे, हे आपल्या सर्वांना ठाऊक आहे. मात्र, जगात काही देश कमी लोकसंख्या असण्यामुळे विविध समस्यांशी झुंजत आहेत. तर, इटलीच्या ट्रेंटिनो राज्याने येथे निवासास येऊ इच्छिणाऱ्यांसाठी प्रोत्साहन म्हणून तब्बल 92 लाख रुपये देणार असल्याची घोषणा केली आहे. कदाचित ही बातमी ऐकल्यानंतर तुम्ही आनंदाने वेडे व्हाल. काहींना हा काहीसा इतर देशांमधून माणसं आयात करण्याचा प्रकारही वाटू शकतो. ..आणि ज्यांना तिथे जायचं नाही, त्यांच्याही चेहऱ्यावर ऑफर माहीत झाल्यावर हसू तर नक्कीच फुटू शकतं.

येथील त्यांच्या गावांच्या कमी लोकसंख्येला तोंड देण्यासाठी बाहेरून येणाऱ्या लोकांना सरकारने 92 लाख रुपये देऊ केले आहेत. मात्र, या योजनेत काही अटी आहेत, ज्यामध्ये तुम्हाला येथे किमान 10 वर्षे राहावे लागेल किंवा मालमत्ता भाड्याने द्यावी लागेल.

एका आंतरराष्ट्रीय वृत्तसंस्थेच्या बातमीनुसार, इटली देश आपल्या इथल्या सुंदर ठिकाणी स्थायिक होण्यासाठी 92 लाख रुपये देत आहे. हो, देशातील 33 शहरांमधील घटत्या लोकसंख्येला पुन्हा रुळावर आणण्यासाठी हा प्रकल्प आणला जात आहे. काही दिवसांत त्याला अंतिम मंजुरी देखील मिळेल, असे म्हटले जात आहे. ते ठिकाण कोणते आहे ते आम्ही तुम्हाला सांगतो.

ट्रेंटिनो, इटलीचा उत्तर प्रांत
रिपोर्ट्सनुसार, ही ऑफर इटलीच्या उत्तरेकडील ट्रेंटिनो प्रांतात दिली जात आहे. त्यांच्या गावांमधील लोकसंख्या घट रोखण्यासाठी त्यांनी हा आकर्षक प्रस्ताव मांडला आहे. हे ठिकाण ट्रेंटोचा स्वायत्त प्रांत (ऑटोनॉमस प्रोव्हाइन्स ऑफ ट्रेंटो ) म्हणून देखील ओळखले जाते. जर तुम्ही इथे ओसाड किंवा रिकाम्या पडलेल्या घरात राहण्यासाठी तुम्ही आलात तर, तुम्हाला 92 लाख 69 हजार 800 रुपये दिले जातील. जर कोणी तिथे गेले तर, घर दुरुस्तीसाठी 74 लाख 20 हजार 880 रुपये अनुदान म्हणून दिले जातील. आणि उर्वरित 18 लाख 55 हजार 220 रुपये घर खरेदी करण्यासाठी दिले जातील.

92 लाख रुपयांच्या प्रस्तावाचा अर्थ काय?
92 लाख रुपयांच्या ऑफरचा अर्थ असा आहे की, तुम्हाला इटलीच्या ट्रेंटिनो प्रदेशात स्थायिक होण्यासाठी सरकारकडून अधिकृतपणे पैसे दिले जातील. यामध्ये 92 लाख रुपयांचे (1 लाख युरो) पॅकेज दिले जाईल. घराच्या दुरुस्तीपासून ते घर खरेदीपर्यंत सर्व गोष्टींसाठी हे पैसे दिले जातील. ही रक्कम सरकारकडून येथे राहायला येऊ इच्छिणाऱ्यांना खरोखरच देण्यात येणार आहे. या 92 लाखांपैकी येथे राहायला येऊ इच्छिणाऱ्यांना स्वतःच्या खिशातून काहीही खर्च करायचे नाही.

आता जाणून घेऊ, अट काय आहे?
एका अहवालानुसार, ही योजना इटालियन नागरिकांसाठी आणि परदेशात राहणाऱ्यांसाठी खुली आहे. याचा उद्देश असा आहे की, लोक या शांततापूर्ण गावांमध्ये येऊन स्थायिक व्हावेत आणि त्यांनी तेथील जीवनाचा अनुभव घ्यावा. पण यात एक महत्त्वाची अट आहे, खरेदी केलेल्या घरात किमान 10 वर्षे वास्तव्य केले पाहिजे किंवा त्या कालावधीत मालमत्ता भाड्याने दिली पाहिजे. जर कोणी त्याआधी निघून गेला तर, त्याला मिळालेली सर्व सरकारी मदत (अनुदान) परत करावी लागेल.

हेही वाचा - भन्नाट बिझिनेस.. कवट्या, बरगड्या हव्यात का? फेसबुकवर मानवी हाडे विकत होती! अमेरिकन महिलेला अटक

33 गावे समाविष्ट करण्यात आली आहेत.
या योजनेत ट्रेंटिनो प्रदेशातील 33 गावांचा समावेश आहे, जे घटत्या लोकसंख्येच्या समस्येचा सामना करत आहेत. या गावांमध्ये पुन्हा चैतन्य आणण्यासाठी सरकार लोकांना पैसे देऊन आर्थिक मदत करत आहे. नयनरम्य लँडस्केप्स, समृद्ध सांस्कृतिक वारसा आणि शांत जीवनशैली असलेली ही गावे आता गर्दीच्या शहरांपासून दूर एक नवीन आणि शांत सुरुवात शोधणाऱ्या व्यक्ती आणि कुटुंबांना नक्कीच आकर्षित करतील.