फ्लोरिडा : हल्ली वेगवेगळी बिझिनेस मॉडेल्स समोर येत आहे. लोक नवनवीन व्यवसायाच्या कल्पना समोर आणत आहेत. मात्र, अमेरिकेतील एका महिलेने कहर केला आहे. तिने चक्क खरी मानवी हाडे फेसबुक मार्केटप्लेसवर विकायला ठेवली होती. अशी भन्नाट बिझिनेस आयडिया चालवणाऱ्या महिलेला पोलिसांनी अटक केलं आहे.

फेसबुक मार्केटप्लेसद्वारे मानवी हाडांचा ऑनलाइन व्यापार केल्याबद्दल अमेरिकेतील फ्लोरिडा येथील एका महिलेला अटक करण्यात आली आहे. या हाडांमध्ये कवटीचे तुकडे आणि बरगड्यांचा समावेश आहे. या 52 वर्षीय महिलेचं नाव कैंम्बर्ली स्कॉपर (Kymberlee Anne Schopper) आहे. अधिकाऱ्यांच्या मते, तिच्यावर मानवी शरीराच्या अवयवांची बेकायदेशीर विक्री आणि खरेदी संबंधित आरोप आहेत. एका वृत्तानुसार, तिने फ्लोरिडाच्या ऑरेंज सिटीमधील 'विक्ड वंडरलँड' या तिच्या व्यवसायातून जाणूनबुजून हाडे खरेदी आणि विक्री केल्याचे पोलिसांनी म्हटले आहे.

स्कॉपरला ताब्यात घेण्यात आले आणि नंतर 11 एप्रिल रोजी व्होलुसिया काउंटी जेलमधून 7 हजार 500 डॉलर्स (सुमारे 6.45 लाख रुपये) च्या जामिनावर सोडण्यात आले.

हेही वाचा - कोण हा निकिता कॅसप? आई-वडिलांची हत्या करून डोनाल्ड ट्रम्पना मारण्याचा कट; 17 वर्षीय तरुणाला अटक

ऑरेंज सिटी पोलिसांना स्थानिक व्यवसायाच्या फेसबुक पेजवरून मानवी हाडांच्या विक्रीची माहिती मिळाल्यानंतर 21 डिसेंबर 2023 रोजी तपास सुरू झाला. माहिती देणाऱ्याने अधिकाऱ्यांना व्यवसायाच्या प्रोफाइलवर विक्रीसाठी सूचीबद्ध हाडे दाखवणारे फोटो दिले होते.

ऑरेंज सिटीमधील नॉर्थ व्होलुसिया अव्हेन्यूमधील 'विकेड् वंडरलँड' (Wicked Wonderland) म्हणून संबंधित व्यवसायाची ओळख पटवण्यात आली. त्यानंतर स्टोअरच्या वेबसाइटची तपासणी केली असता खरेदीसाठी उपलब्ध असलेल्या मानवी अवशेषांची विस्तृत श्रेणी उघड झाली. सूचीबद्ध वस्तूंमध्ये मानवी कवटीचे दोन तुकडे, बरगड्या, छाती आणि खांद्यातील हाडे, मणका आणि एक कवटीचा तुकडा यांचा समावेश होता. विशेष म्हणजे यापैकी काहींची किंमत 35 डॉलर्स इतकी कमी ठेवली होती.

दोन मानवी कवट्या – 90 डॉलर्स
क्लॅव्हिकल आणि स्कॅपुला- 90  डॉलर्स
बरगडी आणि व्हर्टेब्रे – प्रत्येकी 35 डॉलर्स
अर्धवट मानवी कवटी – 600 डॉलर्स

पोलिसांनी हे सर्व अवशेष गोळा केले आणि पुढील विश्लेषणासाठी वैद्यकीय परीक्षकांच्या कार्यालयात पाठवले.

दुकानाची पाहणी करताना पोलिसांनी त्याची मालकीण स्कॉपर हिची चौकशी केली. यात तिने असा दावा केला की, हा व्यवसाय ती वर्षानुवर्षे करत आहे. तसेच, मानवी हाडे विकत आहे आणि फ्लोरिडामध्ये अशा विक्रीवर बंदी आहे हे तिला माहित नव्हते.

हेही वाचा - आई की राक्षस? 9 वर्षांच्या मुलाला 2 वर्ष घरात एकट्याला ठेवलं अन् प्रियकराकडे राहायला गेली..!

तिने पुष्टी केली की दुकानात अनेक मानवी हाडांचे तुकडे होते, जे सर्व खाजगी विक्रेत्यांकडून खरेदी केले गेले होते आणि या व्यवहारांसाठी तिच्याकडे कागदपत्रे आहेत असे तिने सांगितले. परंतु, त्या क्षणी ती ते देऊ शकली नाही. तिने तिच्याकडची हाडे खरे मानवी अवशेष असून ते नाजूक असल्याचे सांगितले. स्कॉपरने असा युक्तिवाद केला की, ही हाडे शैक्षणिक मॉडेल होती, जी राज्य कायद्यानुसार त्यांच्या कायदेशीर विक्रीला परवानगी होती, असे तिला वाटले.

अवशेषांची तपासणी करणाऱ्या तज्ज्ञांनी असा निष्कर्ष काढला की, यातील काही हाडे मूळतः पुरातत्वीय असू शकतात. कवटीचा एक तुकडा 100 वर्षांहून अधिक जुना असल्याचे मानले जात होते, तर दुसऱ्या हाडात 500 वर्षांहून अधिक जुने असण्याची शक्यता वाटत होती.