पोलिसांनी दिलेल्या माहितीनुसार, संबंधित टोळीविरुद्ध गोवंश कत्तल, अवैध मांस विक्री, नागरिकांना मारहाण तसेच गंभीर स्वरूपाच्या गुन्ह्यांमध्ये सहभाग असल्याच्या तक्रारी आणि गुन्हे नोंद आहेत. काही प्रकरणांमध्ये नागरिकांना गंभीर दुखापत पोहोचविण्याचे आरोपही करण्यात आले आहेत.
या टोळीविरुद्ध एमआयडीसी आणि नशिराबाद पोलीस ठाण्यांमध्ये विविध गुन्हे दाखल आहेत. यापूर्वी प्रतिबंधात्मक कारवाई करण्यात आली होती. मात्र, त्यानंतरही कथित गुन्हेगारी कारवाया सुरूच असल्याचे पोलिसांच्या निदर्शनास आले. त्यामुळे या टोळीतील सदस्यांविरुद्ध कठोर प्रतिबंधात्मक पावले उचलण्याचा निर्णय घेण्यात आला.
जळगाव जिल्हा पोलीस अधीक्षक श्रीकांत धिवरे यांनी संबंधितांविरुद्ध हद्दपारीचा प्रस्ताव सादर केला होता. या प्रस्तावाच्या आधारे महाराष्ट्र पोलीस अधिनियम १९५१ मधील कलम ५५ अन्वये दोघांना सहा महिन्यांसाठी जिल्ह्यातून हद्दपार करण्याचे आदेश देण्यात आले आहेत.
जिल्ह्यात कायदा आणि सुव्यवस्था अबाधित राखण्यासाठी तसेच वारंवार गुन्हे करणाऱ्या व्यक्तींवर नियंत्रण ठेवण्यासाठी पोलीस प्रशासनाकडून प्रतिबंधात्मक कारवाई केली जात आहे. जळगाव पोलिसांच्या या कारवाईमुळे गुन्हेगारी प्रवृत्तीच्या व्यक्तींना स्पष्ट संदेश देण्याचा प्रयत्न करण्यात आला आहे.
महाराष्ट्रातील ताज्या घडामोडी | Maharashtra News Live Update
