दाक्षिणात्य चित्रपटसृष्टीतील लोकप्रिय संगीतकार अनिरुद्ध रविचंदर आणि ‘सनरायझर्स हैदराबाद’ (SRH) या आयपीएल संघाची धुरा सांभाळणाऱ्या काव्या मारन यांच्याबाबत एक मोठी बातमी समोर आली आहे. हे दोघे लवकरच, म्हणजेच या वर्षी नोव्हेंबर महिन्यात अधिकृतपणे विवाहबंधनात अडकणार आहेत. विशेष म्हणजे, तेलंगणाचे मुख्यमंत्री ए. रेवंत रेड्डी यांनी स्वतः या बहुचर्चित विवाह सोहळ्याला दुजोरा दिल्याने या वृत्तावर शिक्कामोर्तब झाले आहे.
हेही वाचा – अजय देवगणला BMC चा मोठा दणका! जुहू येथील बंगल्यातील अनधिकृत बांधकामावर चालवला हातोडा
मुख्यमंत्र्यांच्या अधिकृत हँडलवरून माहिती
मुख्यमंत्री ए. रेवंत रेड्डी यांच्या अधिकृत सोशल मीडिया हँडलवरून काही छायाचित्रे आणि व्हिडिओ शेअर करण्यात आले आहेत. या भेटीदरम्यान ‘सन ग्रुप’चे अध्यक्ष कलानिधी मारन आणि त्यांच्या पत्नी कावेरी मारन यांनी मुख्यमंत्र्यांच्या जुबली हिल्स येथील निवासस्थानी भेट देऊन त्यांना आगामी विवाह व रिसेप्शन सोहळ्यासाठी आग्रहाचे निमंत्रण दिले. आगामी 21 नोव्हेंबर रोजी चेन्नई येथे काव्या मारन आणि अनिरुद्ध रविचंदर यांचा भव्य रिसेप्शन सोहळा आयोजित करण्यात आल्याचे या पोस्टमध्ये नमूद करण्यात आले आहे. दरम्यान, ‘टाइम्स ऑफ इंडिया’च्या वृत्तानुसार, 11 नोव्हेंबर रोजी ग्रीसमध्ये हा विवाह सोहळा पार पडणार असल्याची माहिती आहे. या जोडप्याने अद्याप स्वतः यावर कोणतीही अधिकृत प्रतिक्रिया दिलेली नाही.
Sun Group Chairman Shri Kalanithi Maran and his wife, Smt. Kavery Maran, met Hon’ble Chief Minister Shri A. Revanth Reddy at his residence in Jubilee Hills and invited him to the wedding reception of their daughter, Kavya Maran. The wedding reception of Kavya Maran and Anirudh Ravichander is scheduled to be held in Chennai on November 21.
#KalanithiMaran #KavyaMaran — Telangana CMO (@TelanganaCMO) October 16, 2026
गेल्या काही महिन्यांपासून सुरू होत्या चर्चा
अनिरुद्ध आणि काव्या यांच्या प्रेमप्रकरणाची आणि लग्नाची चर्चा गेल्या वर्षी 2015 पासूनच सोशल मीडियावर रंगली होती. गेल्या वर्षी जून महिन्यात अनिरुद्धने या केवळ अफवा असल्याचे सांगत त्या फेटाळून लावल्या होत्या. मात्र, 2016 च्या मध्यात अनिरुद्धचे काका आणि ख्यातनाम अभिनेते वाय. जी. महेंद्र यांनी एका मुलाखतीत या वृत्ताला दुजोरा दिला होता, ज्यामुळे पुन्हा एकदा या चर्चांना उधाण आले. संगीत विश्वात आपल्या धमाकेदार संगीताने लाखो चाहत्यांना वेड लावणारा अनिरुद्ध रविचंदर आणि ‘सन टीव्ही नेटवर्क’च्या कार्यकारी संचालक म्हणून कार्यरत असलेल्या काव्या मारन यांच्या या शाही विवाहाची सध्या सर्वत्र जोरदार चर्चा सुरू आहे.
