Sana Khan Mother Passes Away: बिग बॉस या रिअॅलिटी शोमध्ये सहभागी झालेली सना खानवर दुःखाचा डोंगर कोसळला आहे. आज सना खानची आई सईदा यांचे निधन झाले. सनाने स्वतः सोशल मीडियावर तिच्या आईच्या दुःखद निधनाची माहिती शेअर केली आहे. तिने एक पोस्ट शेअर केली आहे ज्यामध्ये तिने सांगितले आहे की तिची आई आता या जगात नाही. सनाने तिच्या पोस्टद्वारे चाहत्यांना तिच्या आईसाठी प्रार्थना करण्यास सांगितले आहे. त्याच वेळी, अभिनेत्रीचा एक व्हिडिओ देखील समोर आला आहे, ज्यामध्ये ती तिच्या आईच्या पार्थिव जवळ दिसत आहे.
सोशल मीडियावर व्हायरल होणाऱ्या व्हिडिओमध्ये सना खान रुग्णवाहिकेत तिच्या आईच्या पार्थिवाजवळ बसलेली दिसते. सनाच्या चेहऱ्यावर आई गमावल्याचे दुःख स्पष्टपणे दिसून येते. या व्हिडिओवर प्रतिक्रिया देताना अनेक वापरकर्त्यांनी सनाच्या आईच्या निधनाबद्दल दुःख व्यक्त केला आहे. सनाने तिच्या इंस्टाग्राम स्टोरीद्वारे चाहत्यांसह ही दुःखद बातमीही शेअर केली. सनाने यापूर्वी अनेकदा तिच्या आईसोबतचे तिचे फोटो आणि व्हिडिओ शेअर केले आहेत. यावरून हे स्पष्ट होतं की त्यांच्या दोघींचे नाते खूपचं अतूट होते.
हेही वाचा – रुपाली गांगुलीच्या ‘अनुपमा’ शोच्या सेटवर भीषण आग; कोट्यवधींचा माल जळून खाक
सनाने आपल्या पोस्टमध्ये लिहिले आहे, ‘इन्ना लिल्लाही वा इन्ना इलाही राजीऊन, ज्याचा अर्थ आहे- (आपण अल्लाहचे आहोत आणि एक दिवस आपल्याला त्याच्याकडे परत जायचे आहे). माझी प्रिय आई श्रीमती सईदा आजारपणाशी झुंज देऊन अल्लाहकडे परतली आहे. नमाज-ए-जनाजा सकाळी 9:45 वाजता ओशिवरा येथील स्मशानभूमीत ईशाच्या नमाजानंतर होईल. तुमच्या प्रार्थना माझ्या आईसाठी उपयुक्त ठरतील.’
हेही वाचा – विजय देवराकोंडाच्या अडचणी वाढल्या; आदिवासी समुदायावर भाष्य केल्याप्रकरणी गुन्हा दाखल
सना खान सुपरस्टार सलमान खान स्टारर ‘जय हो’ या चित्रपटात दिसली होती. याशिवाय तिने तमिळ-तेलुगू चित्रपटातही काम केले. परंतु, बिग बॉस या रिअॅलिटी शोच्या सहाव्या सीझनमध्ये स्पर्धक म्हणून भाग घेतल्यावर ती प्रसिद्धीच्या झोतात आली. शो दरम्यान ती खूप चर्चेत होती. पण, 2020 मध्ये, तिने अचानक चित्रपटसृष्टी सोडण्याचा निर्णय घेतला.
