Indians Deported From US: अमेरिकेच्या प्रशासनाने 2025 मध्ये बेकायदेशीरपणे प्रवेश केलेल्या किंवा व्हिसा नियमांचे उल्लंघन केलेल्या भारतीय नागरिकांवर कारवाई तीव्र केली आहे. शुक्रवारी परराष्ट्र राज्यमंत्री कीर्ती वर्धन सिंह यांनी संसदेत माहिती दिली की, 21 नोव्हेंबरपर्यंत 3,155 हून अधिक भारतीयांना अमेरिकेतून हद्दपार करण्यात आले आहे. संसदेत सादर केलेल्या आकडेवारीनुसार, गेल्या तीन वर्षांत अमेरिकेतून हद्दपारीची संख्या लक्षणीय वाढली आहे. 2023 मध्ये 617, 2024 मध्ये 1,368 आणि 2025 मध्ये 3,155 भारतीयांना हद्दपार करण्यात आले, म्हणजेच तीन वर्षांत जवळजवळ तिप्पट वाढ.
मंत्र्यांनी स्पष्ट केले की, हद्दपारी प्रकरणे सामान्यतः बेकायदेशीर प्रवेश, व्हिसा ओव्हरस्टे, वैध कागदपत्रांचा अभाव किंवा गुन्हेगारी दोषांवर आधारित असतात. या कारवाईसंदर्भात भारत सरकार अमेरिकन प्रशासनासोबत जवळून काम करत आहे. परंतु ‘डंकी मार्ग’ वापरून अमेरिकेत प्रवेश करणाऱ्या भारतीयांची विशिष्ट माहिती मंत्रालयाने देण्यास नकार दिला आहे.
हेही वाचा – Edinburgh Airport: भारतानंतर आता एडिनबर्ग विमानतळावरही गोंधळ; सर्व उड्डाणे अचानक स्थगित
कुवेतमध्ये 316 भारतीय नागरिक तुरुंगात
याशिवाय, परराष्ट्र मंत्रालयाने इतर देशांतील भारतीय नागरिकांशी संबंधित आकडेवारीदेखील शेअर केली. कीर्ती वर्धन यांनी सांगितले की 31 ऑक्टोबर 2025 पर्यंत कुवेतमध्ये 316 भारतीय नागरिक तुरुंगात आहेत.
