कोल्हापूर : कोल्हापूरात धक्का देणारी बातमी समोर आली आहे. भाचीच्या रिसेप्शनच्या जेवणात मामानं विष कालवलं. पळून जाऊन लग्न केलेल्या भाचीवर राग काढण्याचा प्रयत्न मामाने केला आहे. कोल्हापूरातील पन्हाळा तालुक्यात घटना घडली आहे. मामाविरोधात गुन्हा दाखल करण्यात आला आहे.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
भाचीने पळून जाऊन विवाह केल्याच्या रागातून मामाने भाचीच्या रिसेप्शनच्या जेवणात विष कालवल्याचा धक्कादायक प्रकार कोल्हापूर जिल्ह्यातील पन्हाळा तालुक्यातील उत्रे या गावात घडला आहे.महेश ज्योतीराम पाटील असं विष कालवलेल्या मामाच नाव असून पन्हाळा पोलीस ठाण्यात मामाच्या विरोधात गुन्हा दाखल झाला आहे. दरम्यान मामा महेश पाटील सध्या फरार आहे. पोलिसांकडून फरार मामाचा शोध करण्यात येत आहे.
हेही वाचा : बुलढाण्यातील शासकीय वसतिगृहात अल्पवयीन विद्यार्थ्यासोबत धक्कादायक प्रकार
मामाने रिसेप्शनच्या जेवणामध्ये कालवले विष
महेश पाटीलच्या भाचीने एक आठवड्यापूर्वी गावातील एका मुलासोबत पळून जाऊन प्रेमविवाह केला होता. त्यामुळे मर्जीविरोधात भाचीचा विवाह झाल्याने मामाचा पारा चांगलाच चढला होता. भाचीने पळून जाऊन लग्न केल्याने बदनामी झाल्याच्या रागातून मामाने थेट रिसेप्शनच्या जेवणामध्ये आचाऱ्यासमोर विष टाकले. विष टाकत असताना आचारी समोर होता. त्यामुळे विष टाकलेलं जेवण कोणाच्याही पोटात गेलं नाही. जेवणामध्ये विषारी औषध टाकून लोकांच्या जीवास धोका पोहोचवणारा प्रकार उघड झाल्याने मोठा अनर्थ टळला आहे.
कोल्हापुर : आजवर रस्त्यावरील खड्डे हे अनेकांसाठी जीवघेणे ठरलेले आहेत. पण कोल्हापुरात अशाच एका खड्डयात रूग्णवाहिका आपटल्याने एका आजोबांना चक्क जीवदान मिळालं आहे. या चमत्कारीत घटनेने सर्वत्र आश्चर्य व्यक्त केलं जात आहे. कसबा बावडा येथील रहिवासी पांडुरंग उलपे यांना रुग्णालयाने मृत घोषित केलं होतं. त्यांचा मृतदेह घरी आणताना रूग्णवाहिका रस्त्यात असलेल्या खड्ड्यात आपटली. त्याच्या झटक्याने उलपे आजोबा जिवंत झाले. कोल्हापूरकरांमध्ये या घटनेची सर्वत्र चर्चा आहे.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
कसबा बावडा येथील राहणारे पांडुरंग (तात्या) उलपे यांना चक्कर आली. त्यानंतर त्यांना दवाखान्यात ऍडमिट करण्यात आले. दवाखान्यात पंधरा दिवसा झाल्यानंतर डॉक्टरने त्यांचा मृत्यू झाल्याचे सांगितले. त्यांना घरी घेऊन जाण्यासाठी डॉक्टरांनी सांगितले. घरच्यांनी अंत्यविधीची तयारी केली. पाहुणे जमू लागले पण दवाखान्यातून घरी आणत असताना कसबा बावड्यातील स्पीड बेकर आणि खड्डा हा त्यांना जीवदान देणारा ठरला. त्यांची थोडीफार हालचाल झाली. या हालचालीने नातवाने त्यांना पुन्हा एकदा दवाखान्यात नेले. तर आज पांडुरंग उलपे हे घरच्यांच्या बरोबर जेवण करत आहेत.
हेही वाचा : नवीन वर्षातील पहिल्याच मंत्रिमंडळ बैठकीत मोठा निर्णय
कोल्हापुरातील खड्ड्यांमुळे एकाला जीवदान जरी मिळाला असेल तरी कोल्हापुरातील रस्ते कधी सरळ होतील याकडेच सर्व नागरिकांचे नजरा आहेत.दुसरीकडे पांडुरंग उलपे जिवंत झाल्याने चमत्कार झाल्याची चर्चा नागरिकांकडून होत आहे.
खड्ड्याने दिलं जीवदान
हरिनामाचा जप करताना 16 डिसेंबरला पांडुरंग उलपे यांना हृदयविकाराचा झटका आला. कुटुंबीयांनी तातडीने पांडुरंग उलपे यांना रूग्णालयात हलवले. त्यांच्यावर रूग्णालयात उपचार सुरू असताना त्यांची प्राणज्योत मालवली. डॉक्टरांनी पांडुरंग उलपे यांनी मृत घोषित केले. कुटुंबीयांनी पांडुरंग उलपे यांच्या अंत्यविधीची तयारी सुरू केली. त्यांचा मृतदेह रूग्णालयातून घरी आणताना रूग्णवाहिका एक खड्ड्यात आपटली. त्याच्या झटक्याने पांडुरूंग उलपे हालचाल करू लागले. त्यांच्या नातवाच्या ही बाब लक्षात येताच आजोबांना पुन्हा रूग्णालयात दाखल केले. पुढील उपचारानंतर उलपे यांची प्रकृती सुधारली, त्यांना रूग्णालयातून घरी पाठव्यात आलं. आता ते त्यांच्या कुटुंबीयांसोबत आहेत, या चमत्काराची सर्वत्र चर्चा आहे.
कोल्हापूर : करवीर विधानसभा मतदारसंघातील जनसुराज्य पक्षाचे उमेदवार संताजी घोरपडे यांच्यावर अज्ञातांनी प्राणघातक हल्ला केला. घोरपडे रविवारी रात्री प्रचार संपवून सहकाऱ्यांसह कोल्हापूरकडे परत येत होते. त्यावेळी मनवाड येथे सहा ते सात जणांनी त्यांची कार अडवली. पक्षाचे कार्यकर्ते आहेत असे समजून घोरपडे कारमधून बाहेर उतरले आणि कार अडवणाऱ्यांशी बोलायला गेले. त्यावेळी बाहेरील लोकांनी काठ्या आणि भाल्यासह संताजी घोरपडे यांच्यावर हल्ला केला.
संताजी घोरपडे यांच्यासोबत असलेल्या सहकाऱ्यांवरही धारदार शस्त्रांनी हल्ला केला. या हल्ल्यात संताजी घोरपडे यांच्या डोक्याला आणि हाताला गंभीर दुखापत झाली आहे. त्यांच्या डोक्यातून आणि हातामधून रक्तस्राव होत होता. मारेकऱ्यांचा हल्ला संताजी घोरपडे आणि त्यांच्या सहकाऱ्यांनी त्यांच्या परीने परतावून लावला. त्यानंतर हल्लेखोर रस्त्यालगत असणाऱ्या शेतात पळून गेले. जाताना त्यांनी संताजी घोरपडे यांच्या गाडीवर दगडफेक केली.
संताजी घोरपडे आणि त्यांचे सहकारी कोल्हापूरमध्ये परतले. यानंतर संताजी घोरपडे यांच्या डोक्यातून आणि हातातून रक्त वाहत असतानाचे फोटो कोल्हापूरमध्ये व्हायरल झाले आहेत. या प्रकरणी कळे पोलीस ठाण्यात गुन्ह्याची नोंद करण्यात आली आहे. पोलिसांनी हल्ला प्रकरणी तपास सुरू केला आहे.
कोल्हापूर : वडीलधाऱ्यांसाठी महाराष्ट्र शासनाने मुख्यमंत्री तीर्थदर्शन योजना सुरू केली आहे. राज्यातील सर्व धर्मींयातील साठ वर्षे व त्यावरील ज्येष्ठांसाठी सामाजिक न्याय व विशेष सहाय्य विभागामार्फत मुख्यमंत्री तीर्थ योजना सुरू केली आहे. मुख्यमंत्री एकनाथ शिंदे यांनी दूरदृश्य प्रणालीद्वारे मुख्यमंत्री तीर्थदर्शन योजनेचा राज्यस्तरीय शुभारंभ केला. यावेळी कोल्हापूर येथे वैद्यकीय शिक्षण व विशेष सहाय्य मंत्री आणि पालकमंत्री हसन मुश्रीफ यांनी तीर्थदर्शन योजनेच्या रेल्वेला हिरवा झेंडा दाखवला. खासदार धैर्यशील माने यांची प्रमुख उपस्थिती यावेळी होती.
‘जय श्रीराम जय जय श्रीराम’ च्या जयघोषात ८०० जेष्ठ नागरिक तीर्थ दर्शनासाठी विशेष रेल्वेने मार्गस्थ झाले. भारतातील ७३ आणि आपल्या राज्यातील ६६ तीर्थक्षेत्रांचा योजनेमध्ये समावेश आहे. ज्येष्ठ प्रवाशांच्या सोयीसाठी योजनेतील रेल्वेत वैद्यकीय सुविधा तसेच औषधांचीही व्यवस्था आहे.
मुख्यमंत्र्यांनी व्हिडीओ संदेशाद्वारे तीर्थदर्शन यात्रेत सहभागी झालेल्यांना शुभेच्छा दिल्या. तीर्थ दर्शन योजनेचा शुभारंभ दक्षिण काशी, आई अंबाबाईच्या करवीर येथून होतो आहे, याचा मनापासून आनंद होत आहे. मुख्यमंत्री तीर्थ दर्शन योजनेतील पहिली रेल्वे आयोध्येसाठी रवाना होते आहे. पंतप्रधान नरेंद्र मोदी यांनी आयोध्येत प्रभू श्रीरामांचं भव्य असं मंदिर साकारलयं. प्रभू रामांचं दर्शन घेण्याचं संधी या यात्रेच्या शुभारंभाच्या निमित्तानं आपल्या यात्रेकरूंना मिळतेय, त्यामुळे दक्षिण काशी कोल्हापूर ते प्रभू श्री रामांची जन्मभूमी आयोध्या या तीर्थयात्रेत सहभागी होणाऱ्या सर्व ज्येष्ठांचं अभिनंदन असं मुख्यमंत्री म्हणाले.
कोल्हापूर : राष्ट्रपती द्रौपदी मुर्मू यांनी कोल्हापूरच्या अंबाबाईचे दर्शन घेतले. राष्ट्रपतींनी अंबाबाई देवीला कुंकुमार्चन अभिषेक करुन विधिवत पूजा केली. तसेच एकारती, पंचारती आणि कर्पुरआरती करुन देवीचे दर्शन घेतले. यावेळी त्यांच्यासोबत त्यांची कन्या इतिश्री मुर्मू आणि भाऊ तारिणीसेन टुडू यांनीही देवीचे दर्शन घेतले. यावेळी राज्यपाल सी.पी. राधाकृष्णन, केंद्रीय युवा व क्रीडा राज्यमंत्री रक्षा खडसे, खासदार धैर्यशील माने, जिल्हाधिकारी तथा पश्चिम महाराष्ट्र देवस्थान व्यवस्थापन समितीचे अध्यक्ष अमोल येडगे, कोल्हापूर महानगरपालिका आयुक्त डॉ. के. मंजुलक्ष्मी, जिल्हा परिषदेचे मुख्य कार्यकारी अधिकारी एस. कार्तिकेयन, विशेष पोलीस महानिरीक्षक सुनील फुलारी, पोलीस अधीक्षक महेंद्र पंडित, सहाय्यक आयुक्त समीर मुजावर, अतिरिक्त आयुक्त राहुल रोकडे, पोलीस उपअधीक्षक प्रिया पाटील, महसूल उपजिल्हाधिकारी डॉ.संपत खिलारी आदी उपस्थित होते.
कोल्हापूर : 'मुख्यमंत्री माझी लाडकी बहीण' योजनेचे पैसे खात्यात जमा होताच बँकांकडून वेगवेगळ्या नियमांचा आधार घेत खातेदारांचे पैसे कापून घेण्यात आल्याच्या तक्रारी येत आहेत. या तक्रारींची मुख्यमंत्री एकनाथ शिंदे यांनी गंभीर दखल घेतली आहे. 'लाडकी बहीण' योजनेचे पैसे कापून घेणाऱ्या बँकांवर कारवाई होणार असल्याचे मुख्यमंत्र्यांनी जाहीर केले.
राज्य शासनाने 'मुख्यमंत्री माझी लाडकी बहीण' ही कल्याणकारी योजना सुरू केली आहे. या योजनेत लाभार्थींना दर महिन्याला १५०० रुपये मिळत आहेत. राज्य शासनाने यासाठी अर्थसंकल्पात तरतूद केली आहे. लाखो महिलांना जुलै आणि ऑगस्ट महिन्याचे पैसे मिळाले आहेत. हे पैसे एकदम देत योजना सुरू करण्यात आली आहे. योजना सुरू झाली… पैसे खात्यांमध्ये जमा झाले आणि बँकांकडून वेगवेगळ्या नियमांचा आधार घेत खातेदारांचे पैसे कापून घेण्यात आल्याच्या तक्रारी येऊ लागल्या. यानंतर मुख्यमंत्र्यांनी बँकांना कडक शब्दात ताकीद दिली. कल्याणकारी योजनेचे पैसे कापून घेऊ नका. या पद्धतीने वागणार असाल तर बँकांवर कारवाई करू, असे मुख्यमंत्र्यांनी सांगितले.
याआधी कोल्हापूरच्या 'मुख्यमंत्री माझी लाडकी बहीण' योजनेच्या कार्यक्रमात बोलताना उपमुख्यमंत्री देवेंद्र फडणवीस यांनी योजना सुरू राहणार आहे. योजना बंद करण्याचा प्रश्नच येत नाही, असे सांगितले.
कोल्हापूर : बदलापूरची घटना ताजी असतानाच कोल्हापूर शहरा नजीक असणाऱ्या शिये गावातील रामनगर परिसरामध्ये शेतात एका अल्पवयीन मुलीची हत्या करण्यात आली आहे. याप्रकरणी एका संशयीताला पोलिसांनी तात्काळ ताब्यात घेतलं आहे. पोलीस अधीक्षक महेंद्र पंडित यांनी घटनास्थळी पाहणी तपास करण्याच्या सूचना अधिकाऱ्यांना दिल्या आहेत. या अल्पवयीन मुलीचे आई आणि वडील एमआयडीसीमध्ये कामाला गेले असताना बुधवारी दुपारपासून ही अल्पवयीन मुलगी बेपत्ता होती. दरम्यान रात्रभर मुलीच्या कुटुंबीयांनी परिसरामध्ये शोधाशोध केली मात्र मुलगी मिळाली नाही. अखेर कोल्हापूर पोलिसांच्या श्वान पथकाने अल्पवयीन मुलीचा मृतदेह रामनगर येथील एका उसाच्या शेतामध्ये घरापासून अवघ्या अर्धा किलोमीटर परिसरात शोधून काढला.
प्राथमिक माहितीनुसार संबंधित मुलीच्या अंगावर ड्रेस होता मात्र चप्पल आणि अंतर वस्त्र बाजूला पडलेली पाहायला मिळाली. सध्या पोलिसांनी तपास चालू केला असून सीसीटीव्हीच्या आधारे एका संशयीताला ताब्यात घेतले असल्याचे महेंद्र पंडित यांनी सांगितले आहे. दरम्यान स्थानिक नागरिकांनी मुलीवर अत्याचार झाल्याचा संशयदेखील व्यक्त केला आहे. मात्र संबंधित मुलींचा मृतदेह उत्तरीय तपासणीसाठी पाठवला असून तपासणी झाल्यानंतरच निष्कर्ष काढता येईल असं पोलीस अधीक्षकांनी सांगितले आहे.
कोल्हापूर : कोल्हापुरातील सायबर चौकात भरधाव वेगाने आलेल्या गाडीने तीन दुचाकीवरील सात जणांना उडवले. दुचाकींना धडक दिल्यानंतर गाडी उलटली. या अपघातात तीन जणांचा मृत्यू झाला आणि सहा जण गंभीर जखमी झाले. अपघातात गाडीचे आणि तीन दुचाकींचे नुकसान झाले. रस्त्यावर काचांचा खच पडला.
