राष्ट्रीय जनता दलाचे नेते तेजस्वी यादव यांनी रालोआच्या राष्ट्रपती पदाच्या उमेदवार द्रौपदी मुर्मू यांचे नाव न घेता त्यांची तुलना बाहुलीशी केली आहे. राष्ट्रपती भवनात बोलका उमेदवार हवा असं सांगताना तेजस्वी यांच्याकडून मुर्मू यांचा गूंगी गुडिया अशा संदर्भाने उल्लेख करत अपमान केलाय.
तेजस्वी यादव एका कार्यक्रमात सहभागी होण्यासाठी गेले होते. राष्ट्रपतीपदाच्या निवडणुकीबाबत तेजस्वी यांना पत्रकारांनी प्रश्न विचारला असता त्यांनी या गोष्टी सांगितल्या. तेजस्वी यादव म्हणाले की, आम्ही त्यांना कधीच बोलताना ऐकले नाही आणि तुम्हीही ऐकले असेल असे मला वाटत नाही. यशवंत सिन्हा यांना सर्वत्र बोलताना तुम्ही सर्वांनी ऐकले असेल, पण ज्याला सत्ताधारी पक्षाकडून एनडीएचा उमेदवार बनवण्यात आले आहे, त्या उमेदवार झाल्यापासून त्यांनी एकही पत्रकार परिषद घेतली नाही.
तेजस्वीच्या या वक्तव्यावर भाजपचे प्रदेश प्रवक्ते अरविंद सिंह म्हणाले की, द्रौपदी मुर्मू या आदिवासी महिला असून एनडीएच्या राष्ट्रपतीपदाच्या उमेदवार आहेत. ज्या व्यक्तीला लिहिलेले भाषण नीट वाचता येत नाही, जिच्या आई माजी मुख्यमंत्री होत्या, ज्याची भाषा आणि शिक्षण सर्वांना माहीत आहे, अशी टिप्पणी करत विरोधी पक्षनेत्यांनी त्यांच्याबद्दल स्पष्ट करून तेजस्वी यादव चांगलाच सुनावलं आहे.
तेजस्वी यादवचे शिक्षण आणि त्याच्या कुटुंबाचे शिक्षण सर्वांनाच माहीत आहे. त्यांचे कुटुंब असंसदीय भाषा वापरत आहे. त्यांनी सांगितले की, द्रौपदी मुर्मू झारखंडच्या राज्यपाल होत्या. ती आदिवासी आणि दलित समाजातून आलेली स्त्री आहे. त्याच्यावर अशी टिप्पणी करणे दुर्दैवी आहे.
