अमित शाह यांच्या मतदारसंघातील निवडणुकीचे धक्कादायक निकाल; मतांच्या विभाजनामुळे…

Gandhinagar Municipal Corporation Election Results: देशाचे गृहमंत्री अमित शाह यांच्या गांधीनगर लोकसभा मतदारसंघांतर्गत येणाऱ्या महानगरपालिका निवडणुकीचे कल आणि निकाल आता समोर येऊ लागले आहेत. सुरुवातीच्या मतमोजणीतच भारतीय जनता पक्षाने जोरदार मुसंडी मारत आपले खाते उघडले आहे. या निवडणुकीत एकूण 44 जागांसाठी मतमोजणी सुरू असून, भाजपने प्रभाग क्रमांक 5 आणि प्रभाग क्रमांक 7 मधील सर्व जागांवर दणदणीत विजय मिळवला आहे. या दोन्ही प्रभागांमध्ये भाजपच्या सर्व 4-4 उमेदवारांचे संपूर्ण पॅनेल विजयी झाल्यामुळे पक्षाच्या कार्यकर्त्यांमध्ये मोठा उत्साह पाहायला मिळत आहे. गेल्या निवडणुकीत भाजपने या पालिकेतील 44 पैकी 41 जागांवर कब्जा केला होता, आणि यावेळी सर्वच्या सर्व 44 जागा जिंकण्याचा दावा भाजपने केला आहे.

‘आप’च्या एन्ट्रीमुळे काँग्रेसची मोठी कोंडी; मतांचे विभाजन भाजपच्या पथ्यावर
गांधीनगर महापालिकेच्या या निवडणुकीच्या रिंगणात एकूण 130 उमेदवार नशीब आजमावत आहेत, ज्यामध्ये भाजप आणि काँग्रेसचे प्रत्येकी 44 उमेदवार रिंगणात उतरले आहेत. मात्र, आम आदमी पार्टीने (AAP) आपले 32 उमेदवार स्वतंत्रपणे मैदानात उतरवल्यामुळे काँग्रेस पक्षाची मोठी राजकीय कोंडी झाली आहे. राजकीय विश्लेषकांच्या मते, ‘आप’चे उमेदवार पारंपरिक काँग्रेसची मते खाण्याची दाट शक्यता असल्यामुळे त्याचा थेट फायदा भाजपला होताना दिसत आहे. त्यामुळे या निवडणुकीत मोठा उलटफेर होईल अशी विरोधकांची अपेक्षा फोल ठरून काँग्रेसला पुन्हा एकदा मोठ्या धक्क्याचा सामना करावा लागत आहे.

हेही वाचा – राहुल गांधींना सर्वोच्च न्यायालयाचा मोठा दिलासा; ‘या’ खटल्यातील कनिष्ठ न्यायालयातील सुनावणीला स्थगिती

मागील निवडणुकीची पुनरावृत्ती करण्याचे भाजपसमोर आव्हान; दुपपर्यंत चित्र होणार स्पष्ट
मागील महानगरपालिका निवडणुकीच्या निकालांवर नजर टाकल्यास, भाजपने 44 पैकी 41 जागा जिंकत निर्विवाद वर्चस्व प्रस्थापित केले होते, तर काँग्रेसच्या वाट्याला अवघ्या 2 जागा आल्या होत्या आणि एका जागेवर ‘आप’ने विजय मिळवला होता. यंदाच्या निवडणुकीत त्यापेक्षाही सरस कामगिरी करून सर्व 44 जागा जिंकण्याचे लक्ष्य भाजपने ठेवली आहे. आज दुपारपर्यंत संपूर्ण मतमोजणी पूर्ण होऊन पालिकेचे चित्र पूर्णपणे स्पष्ट होणार आहे, परंतु सुरुवातीच्या कलांवरून काँग्रेससाठी हा निकाल अत्यंत निराशाजनक आणि चिंताजनक ठरत असल्याचे दिसत आहे.

गांधीनगर महानगरपालिकेच्या राजकारणाला येणार नवीन वळण
निवडणुकीच्या या अटीतटीच्या लढतीत भाजपची मजबूत पकड पुन्हा एकदा पाहायला मिळत आहे. स्थानिक स्वराज्य संस्थांच्या या निवडणुकीत विरोधकांनी भाजपच्या सत्तेवर आणि कारभारावर अनेक सवाल उपस्थित केले होते, परंतु मतदारांचा कौल सध्या तरी भाजपच्या बाजूने झुकल्याचे दिसत आहे. मतमोजणीच्या अंतिम टप्प्यात राजकीय समीकरणे कशी बदलतात आणि विरोधी पक्ष या निकालांवर काय प्रतिक्रिया देतात, याकडे संपूर्ण राजकीय वर्तुळाचे लक्ष लागले आहे.

हेही वाचा – दिल्ली पोलिसांची धडक कारवाई; आशुतोष रांका आणि सौरव दास यांना पुन्हा अटक, नेमकं काय घडलं?