Asia Cup 2025: आशिया कपच्या सुपर 4 टप्प्यात टीम इंडियाने शानदार कामगिरी केली. लीग टप्प्यातील 3 सामने जिंकल्यानंतर, भारतीय संघाने त्यांच्या पहिल्या सुपर 4 सामन्यात पाकिस्तानला पराभूत केले. यामुळे टीम इंडियाला जेतेपदाचा प्रबळ दावेदार मानले जात आहे. आता टीम इंडिया पुढील सामन्यात बांगलादेशशी भिडणार आहे.
हा सामना 24 सप्टेंबर रोजी दुबई आंतरराष्ट्रीय स्टेडियमवर रात्री 8:00 वाजता सुरू होईल. पाकिस्तानविरुद्ध मिळवलेले 2 गुण भारतीय संघासाठी फायदेशीर ठरले असून, बांगलादेशनेही श्रीलंकेला हरवल्यामुळे त्यांचेही 2 गुण आहेत. या सामन्यात जिंकणाऱ्या संघाचे गुण 4 होऊन अंतिम फेरीच्या जवळ जाईल.
हेही वाचा - Sachin Tendulkar : सचिन तेंडुलकरच्या हस्ते शिवाजी पार्क जिमखान्याचे लोकार्पण; इथेच सुरू झाली होती सचिनची कारकीर्द
यानंतर, टीम इंडियाचा 26 सप्टेंबर रोजी सुपर 4 सामन्यात श्रीलंकेशी सामना होणार आहे. हा सामना दुबईमध्येच रात्री 8 वाजता सुरू होईल. हा सामना दोन्ही संघांसाठी महत्त्वाचा ठरू शकतो, कारण त्याचा अंतिम फेरीत स्थानावर थेट परिणाम होईल. भारतीय संघ या सामन्यात बांगलादेशविरुद्ध मोठ्या फरकाने विजय मिळवून अंतिम फेरीत आपले स्थान निश्चित करण्याचा प्रयत्न करेल.
हेही वाचा - Ind vs Pak Asia Cup 2025: अभिषेक-शुभमनचा पाक खेळाडूला शाब्दिक तडाखा; शाहीन-हारीससोबत मैदानावर वाद
या वर्षीच्या आशिया कपचा अंतिम सामना 28 सप्टेंबर रोजी होईल, ज्यामध्ये विजेता संघ ठरवला जाईल. अंतिम सामन्यापूर्वी, भारतीय संघाला बांगलादेश आणि श्रीलंकेविरुद्धचे सामन्यांमधून अंतिम फेरीसाठी स्थान निश्चित करावे लागेल, आणि त्यानंतर अंतिम फेरीतही त्यापैकी एका संघाशी सामना करावा लागणार आहे. याचा अर्थ असा की अंतिम सामन्यापूर्वी, भारतीय संघाला बांगलादेश आणि श्रीलंकेचा सामना करावा लागेल. विशेष म्हणजे तो अंतिम फेरीतही यापैकी एका संघाशी सामना करेल.