पाकिस्तानने अफगाणिस्तानवर हल्ला केला आहे. गुरुवारी रात्री पाकिस्तानने तालिबानशासित अफगाणिस्तानची राजधानी काबूलमध्ये हवाई हल्ला केला. पाकिस्तानचे संरक्षण मंत्री ख्वाजा आसिफ यांनी आता पुरे झाले असा कडक इशारा दिल्यानंतर काही तासांतच हा हल्ला झाला आणि इस्लामाबाद यापुढे देशाच्या आत कार्यरत असलेल्या कथित दहशतवादी कारवाया सहन करणार नाही असे जाहीर केले.
पाकिस्तानी वृत्तपत्र डॉनने अफगाण तालिबानचे प्रवक्ते जबिहुल्लाह मुजाहिद यांच्या हवाल्याने म्हटले आहे की काबूल शहरात स्फोटांचे आवाज ऐकू आले, परंतु कोणत्याही प्रकारचे नुकसान झाल्याचे वृत्त नाही.
हेही वाचा – Philippines Earthquake : फिलीपिन्समध्ये 7.3 रिस्टर स्केलचा भयंकर भूकंप
अफगाण तालिबानच्या प्रवक्त्याने सांगितले की, "काबूल शहरात स्फोटाचा आवाज ऐकू आला. तथापि, कोणीही काळजी करण्याची गरज नाही; सर्व काही ठीक आहे. घटनेची चौकशी सुरू आहे आणि अद्याप कोणतीही जीवितहानी झाल्याचे वृत्त मिळालेले नाही."
हेही वाचा – PM Modi On Benjamin Netanyahu : पंतप्रधान मोदींचा नेतान्याहूंना फोन, सुरक्षा मंत्रिमंडळाची बैठक थांबवली आणि…
या स्फोटात एका लँड क्रूझरला लक्ष्य करण्यात आले होते. रॉयटर्सने दिलेल्या वृत्तानुसार रात्री ९:५० च्या सुमारास किमान दोन स्फोटांचे आवाज ऐकू आले. तथापि, पाकिस्तानी हल्ल्यानंतर, अफगाणिस्तानने स्पष्ट केले आहे की त्यांना कोणतीही हानी झाली नाही. पाकिस्तानचे संरक्षण मंत्री ख्वाजा आसिफ यांनी गुरुवारी अफगाण तालिबानला कडक इशारा देत पाकिस्तानचा संयम संपला आहे असा इशारा दिला.
