18 वासरे कोंबून नेणाऱ्या कारचा बारामती-मोरगाव रस्त्यावर भीषण अपघात; तीन जणांविरोधात गुन्हा दाखल

बारामती-मोरगाव रस्त्यावर वासरांची निर्दयीपणे वाहतूक सुरू असताना कारचा अपघात झाल्याची घटना समोर आली आहे. या कारमध्ये तब्बल 18 वासरे कोंबण्यात आली होती. या अपघातात दोन वासरांचा मृत्यू झाला असून इतर वासरे जखमी झाली आहेत. अपघातानंतर चालक पसार झाला असल्याची माहिती समोर आली. ही सर्व दोन महिन्याची वासरे कत्तलीसाठी चालवल्याचे माहिती पोलिसांनी दिली आहे.

हेही वाचा- नागपुरात चॉकलेटचे आमिष दाखवून चिमुरडीवर अत्याचार; शाळेत शिक्षिकेला सांगितली आपबिती, भाडेकरूला अटक

या प्रकरणी माळेगाव पोलिसांनी सर्व माहिती घेत मुबिन अल्ताफ कुरेशी, अल्ताफ शफी कुरेशी, आक्रम अल्ताफ कुरेशी सर्व रा. तालुका फलटण जि.सातारा याचे विरुद्ध भारतीय न्याय संहीता 2023 चे कलम 281 प्राण्यांना क्रुरतेने वागवणे तसेच महाराष्ट्र प्राणी संरक्षण कायदा अंतर्गत तीन जणांवर माळेगांव पोलिसात गुन्हा दाखल करण्यात आला आहे.