डोंबिवलीत भरदिवसा थरार! घरात घुसून वृद्धेच्या गळ्याला हात अन् पुढे घडलं भयंकर; VIDEO

जुनी डोंबिवली परिसरात नागरिकांच्या सुरक्षेचा प्रश्न पुन्हा एकदा ऐरणीवर आलेली आहे. चक्क भरदिवसा घरात घुसून वृद्ध महिलेच्या गळ्यातील सोनसाखळी चोरीला गेल्याची अत्यंत धक्कादायक आणि संतापजनक घटना घडलेली आहे. ही संपूर्ण घटना जुनी डोंबिवलीतील एका सोसायटीमध्ये घडली आहे.

मिळालेल्या माहितीनुसार, या सोसायटीमध्ये राहत असलेल्या माथूर यांच्या घरी एका अज्ञात तरुणाने अचानक शिरकाव केला. त्या वेळी घरात त्यांच्या वृद्ध आई एकट्याच होत्या. संधी साधत त्या तरुणाने थेट त्यांच्या गळ्यात असलेली सोन्याची चैन हिसकावली आणि तातडीने पळ काढला.या घडलेल्या घटनेमुळे संपूर्ण सोसायटीत सध्या भीतीचे वातावरण पसरले आहे. जुनी डोंबिवली परिसरात घरात घुसून चोरी तसेच चैन स्नॅचिंगचे प्रकार हे दिवसेंदिवस वाढत आहेत.