दोन मुलांना वाऱ्यावर सोडून पती-पत्नीनं उचललं टोकाचं पाऊल; खासगी सावकारांच्या जाचाला कंटाळून गळफास घेतल्याचा महिलेल्या भावाचा आरोप
जयेश सावंत, प्रतिनिधी
श्रीरामपूर : श्रीरामपूर तालुक्यातील भेर्डापूर येथील पती-पत्नीने सावकाराच्या जाचाला कंटाळून जीवन संपवल्याची धक्कादायक घटना घडली आहे. बुधवारी रात्री राहत्या घरात साडीने गळफास घेऊन पिसाळ दाम्पत्याने आपले जीवन संपवले आहे. खाजगी सावकारांवर कारवाई करून न्याय द्यावा, अशी मागणी आता त्यांच्या नातलगांकडून होत आहे. श्रीरामपूर तालुक्यातील भेर्डापूर येथील बाळासाहेब पांडुरंग पिसाळ आणि कीर्ती बाळासाहेब पिसाळ या पती-पत्नीने सावकाराच्या जाचाला कंटाळून गळफास घेत आपले जीवन संपवले आहे. गेल्या काही महिन्यांपासून सावकारांचा तगादा आणी वसुलीसाठी धमकावणं सुरू असल्याने बाळासाहेब पिसाळ अस्वस्थ झालेले होते. त्यांना एक दहा वर्षाचा मुलगा आणी नऊ वर्षाची मुलगी आहे. खासगी सावकारांच्या जाचामुळे आत्महत्या केल्याचा नातेवाईकांचा आरोप असून संबंधित सावकारांवर कारवाई करावी आणी कुटुंबाला न्याय द्यावा, आशी मागणी विवाहितेचा भाऊ गणेश वाडीतके यांनी केली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.