सणासुदीत सोने-चांदीच्या दरांत घसरण; दसऱ्यानंतरही खरेदीची संधी, जाणून घ्या आजचे दर

दिवाळीच्या पार्श्वभूमीवर सोन्याच्या दरांत आणखी घसरण होण्याचे संकेत वर्तवले जात आहेत. काल दसऱ्याच्या शुभमुहूर्तावर सोन्याच्या किमती कमी झाल्याचे पाहायला मिळाले. मात्र, धनत्रयोदशी आणि लक्ष्मीपूजनाच्या दिवशी सोने-चांदीच्या दरांत पुन्हा घसरण होणार की दरवाढ होणार, असा प्रश्न ग्राहकांच्या मनात आहे.

सोन्याचे दर अलीकडेच उच्चांकी पातळीवरून खाली आले आहेत. मल्टी कमोडिटी एक्सचेंज (MCX) वर सोन्याचा वायदा भाव प्रति 10 ग्रॅम 1.46 लाख रुपयांच्या आसपास असल्याचे नमूद केले जात आहे. मात्र, वायदा बाजारातील दर आणि किरकोळ ज्वेलरी दुकानांमधील दरांमध्ये फरक असू शकतो. याशिवाय, शहर, सोन्याची शुद्धता (कॅरेट) आणि लागू असलेले कर यांनुसार किमती बदलू शकतात.

आजचे ताजे दर काय?

Goodreturns ने दिलेल्या माहितीनुसार, 24 कॅरेट सोन्याचा दर प्रति ग्रॅम 14,608 रुपये, 22 कॅरेट सोन्याचा दर 13,390 रुपये, तर 18 कॅरेट सोन्याचा दर 10,956 रुपये आहे.

हेही वाचा – महाराष्ट्रात यंदा थंडीचा मुक्काम कमी होणार? एल निनोचा हवामानावर परिणाम, तज्ज्ञांचा मोठा अंदाज

10 ग्रॅमनुसार सोन्याचे दर पुढीलप्रमाणे आहेत:

24 कॅरेट – 1,68,518 रुपये
22 कॅरेट – 1,54,467 रुपये
18 कॅरेट – 1,26,388 रुपये

चांदी अधिक स्वस्त!

चांदीच्या किमतीतही मोठी घसरण झाल्याचे सांगितले जात आहे. चांदीचा दर प्रति ग्रॅम 230 रुपये, तर प्रति किलो 2,30,000 रुपये असल्याचे नमूद केले आहे. तसेच, 10 ग्रॅम चांदीचा भाव 2,653 रुपये इतका आहे. त्यामुळे ग्राहकांसाठी ही आनंदाची बातमी ठरू शकते. दसऱ्याप्रमाणेच आजही सोने-चांदी खरेदी करण्याची संधी असल्याचे मानले जात आहे.

सोन्याचे दर अमेरिकेतील व्याजदरांबाबतच्या अपेक्षा, अमेरिकन डॉलरची कामगिरी आणि जागतिक भू-राजकीय तणाव यांसारख्या घटकांवरही अवलंबून असतात. त्यामुळे सणासुदीच्या काळात मागणी वाढते म्हणून सोने महागच होईल, असे मानणे योग्य ठरणार नाही. आगामी काळात सोन्या-चांदीच्या किमती कोणत्या दिशेने जातात, याकडे ग्राहकांचे लक्ष लागले आहे.

महाराष्ट्राच्या सर्व बातम्या एका क्लिकवर