Chhaava Deleted Scene : छत्रपती संभाजी महाराजांच्या आयुष्यावर आधारित छावा हा चित्रपट 14 फेब्रुवारीला देशभरात प्रदर्शित झाला. पहिल्या दिवसाच्या शोपासूनच चित्रपटाला तुफान गर्दी होते आहे. समीक्षकांनीही सिनेमाचं कौतुक केलं आहे. दरम्यान या सिनेमातला डिलीट करण्यात आलेला सीन आता व्हायरल झाला आहे.
छावा हा सिनेमा प्रदर्शित झाल्यापासूनच त्याला प्रचंड प्रतिसाद मिळतो आहे. आता या चित्रपटातला एक डिलीट करण्यात आलेला सीन व्हायरल झाला आहे. हा सीन सुद्धा लोकांच्या प्रचंड पसंतीला उतरत आहे. हा सीन हंबीरराव मोहिते आणि सोयराबाई यांच्यातला आहे. सोयराबाईंना राजाराम महाराजांना छत्रपती करायचं आहे. त्यासाठी त्या प्रयत्न करत असतात. त्यावेळी हंबीरराव मोहिते त्यांना काय म्हणतात? असा तो सीन आहे. अभिनेत्री दिव्या दत्ता आणि अभिनेता आशुतोष राणा यांच्यातला हा सीन सोशल मीडियावर व्हायरल झाला आहे.
हेही वाचा - स्वारगेट बलात्कार प्रकरण: आरोपीला अटक; 'गळ्यावर दोरीचे वळ, आत्महत्येचा प्रयत्न?' पोलिसांची माहिती
डिलिट झालेला सीन अभिनेत्री दिव्या दत्ता आणि आशुतोष राणा यांच्यातील; काय आहे यामधला संवाद?
हंबीरराव मोहीते : एक पुतना थी जिसने विषवाला दूध पिलाकर श्रीकृष्ण को मारना चहा था और एक आप हैं.. उससे भी दो कदम आगे...
सोयराबाई : यह मत भूलिये आप किससे बात कर रहें है सरलष्कर, हम आपकी बहन नहीं.. स्वराज की राजमाता हैं.
हंबीरराव मोहीते : मुझे अच्छेसे याद हैं. लेकिन, आप भूल रही हैं की आप राजमाता क्यूँ हैं.. 14 वर्ष की उमरमें बडे महाराजने स्वराज का बीज बोया था इसलिये आप राजमाता हैं. बडे महाराज के पुत्र वर्तमान छत्रपतीने 9 साल की आयुमें अपने पिता के संकल्प को अपना संकल्प बना लिया था, इस लिये आप राजमाता हैं. इस दख्खन का प्रत्येक मराठा होश संभालते ही स्वराज के रक्षण का संकल्प लेता है इसलिये हैं आप राजमाता. जिस स्वराज की रक्षा और निर्माण के लिये हमारे हजारो मावलोंने प्राण न्योछावर कर दिये.. उसका सौदा करने निकली थी आप.
सोयराबाई : सही और गलत में अंतर केवल दृष्टीकोन का है. हमने बेटा नहीं राजा पैदा किया है. उसे छत्रपती के रुपमें देखना हमारी इच्छा नहीं, जुनून हैं. उसके लिये हम कोईभी हद पार कर सकते हैं. अगर आपकी दृष्टीमें ये अपराध है तो स्मरण रहें ऐसे अपराध होते रहेंगे, सरलष्कर जाकर कह दिजिये छत्रपतीसे की सजा सुनायें.. उसके शासन में रहने से बेहतर है की हम कैद में रहे.
हंबीरराव : कैद मे तो आप हैं ही राजमाता सोयराबाई, अपने स्वार्थ, लोभ और लालच की. जय भवानी!
लेझीम खेळण्याच्या दृश्यावरून वाद
छावा चित्रपट प्रदर्शित होण्यापूर्वी या चित्रपटातल्या काही दृश्यांवरुन वाद निर्माण झाला होता. संभाजी महाराज लेझीम खेळताना दाखवण्यात आले होते. सिनेमाचा ट्रेलर आला तेव्हा या दृश्यांवर अनेकांनी आक्षेप घेतला. त्यानंतर हे दृष्य सिनेमातून वगळण्यात आलं.
चित्रपटाला आणि मला खूप प्रेम मिळतंय - अभिनेत्री दिव्या दत्ता
असा हा जबरस्त संवाद असलेला हा सीन सोशल मीडियावर व्हायरल झाला आहे. अभिनेत्री दिव्या दत्तानं या डिलीट करण्यात आलेल्या सीनवर भाष्य केलं आहे. दिव्या दत्ता म्हणाली की, 'तो सीन सोशल मीडियावर पाहून मीसुद्धा चकित झाले. अर्थातच तो माझ्या सर्वात आवडीच्या सीन्सपैकी एक होता. पण ठीक आहे, असं होत राहतं. ते काही माझ्या हातात नव्हतं. पण चांगली गोष्ट ही आहे की, चित्रपटाला आणि मला खूप प्रेम मिळतंय. प्रामाणिकपणे बोलायचं झाल्यास, तो सीन चित्रपटात असता तर मला खूप आनंद झाला असता. पण ठीक आहे, माझी काही तक्रार नाही…'
सीन तुफान व्हायरल
‘छावा’मध्ये छत्रपती संभाजी राजे ज्यावेळी औरंगजेबाचा मुलगा अकबरला भेटतात, त्यावेळी त्यांना सोयराबाईंच्या कपटी कारस्थानांबाबत माहिती मिळते. संभाजी राजांना अतीव दुःख होतं. त्यानंतर ज्यावेळी सरसेनापती हंबीरराव (सोयराबाईंचे भाऊ आणि स्वराज्याचे सरसेनापती) जाऊन सोयराबाईंची भेट घेतात. हंबीरराव सोयराबाईंना स्वराज्यासाठी दिलेल्या बलिदानांची आठवण करून देतात आणि त्यांच्या मनात त्यांनी स्वतःच्या मुलासाठी राज्यपदाची जी चुकीची अभिलाषा बाळगली आहे, त्यावर कडक शब्दांत सुनावतात. यादरम्यानचा दोघांमधील संवाद या व्हायरल होणाऱ्या सीनमध्ये दाखवण्यात आला आहे. हा सीन तुफान व्हायरल झाला आहे.
हेही वाचा - 'देशप्रेम तुला काय माहिती? तू नीच आहेस आणि असाच मरशील,' कोहलीवरील ट्विटवर युजर्सची फालतू कमेंट; जावेद अख्तर संतापले
छावा हा सिनेमा शिवाजी सावंत यांच्या छावा या कादंबरीवर आधारलेला आहे. विकी कौशलने छत्रपती संभाजी महाराजांची भूमिका साकारली आहे. तर लक्ष्मण उतेकर यांनी या सिनेमाचं दिग्दर्शन केलं आहे.